ডিজিটেল সংবাদ ৰঙিয়াঃ কৰ্ম সংস্থাপন বিচাৰি অহা যুৱতীক অশ্লীল ইংগিত দি ৰঙা ঘৰৰ আলহী হ'ল ৰঙিয়াৰ এগৰাকী মাৰোৱাৰী ব্যৱসায়ী। জানিব পৰা মতে এই অসৎ চৰিত্ৰৰ বিষয়াগৰাকীৰ বিৰুদ্ধে ৰঙিয়া আৰক্ষী থানাত এজাহাৰ দাখিলৰ পাছতে আৰক্ষীয়ে গ্ৰহণ কৰিছে কঠোৰ পদক্ষেপ।
অভিযোগ অনুসৰি ৰঙিয়াৰ বিমল কুমাৰ ভগত নামৰ ব্যৱসায়ীগৰাকীৰ ব্যৱসায়ীক প্ৰতিষ্ঠানত সংস্থাপন বিচাৰি আহিছিল এগৰাকী যুৱতী। যুৱতীগৰাকীক সংস্থাপন দিয়াৰ বিমিময়ত ব্যৱসায়ীগৰাকীয়ে শাৰীৰিক সম্পৰ্ক স্থাপনৰ প্ৰস্তাৱ দিয়ে। কেৱল সিমানেই নহয়, ধৃত ব্যৱসায়ীগৰাকীয়ে যুৱতীগৰাকীৰ দেহতো স্পৰ্শ কৰে।
ব্যৱসায়ীগৰাকীৰ এনে অসৎ কাৰ্যৰ বিৰুদ্ধে ৰঙিয়া আৰক্ষী থানাত এজাহাৰ দাখিলৰ পাছতে আজি আৰক্ষীয়ে অসৎ ব্যৱসায়ী বিমল কুমাৰ ভগতক গ্ৰেপ্তাৰ কৰি কাৰাগাৰলৈ প্ৰেৰণ কৰিছে।