বিহপুৰীয়া নগৰত অমৃত কলহ যাত্ৰা

ডিজিটেল সংবাদ,বিহপুৰীয়া : বিহপুৰীয়া পৌৰ সভাত দেওবাৰে অমৃত কলহ যাত্ৰা কাৰ্যসূচী ৰূপায়ন কৰা হয় ৷ বিহপুৰীয়া পৌৰ সভাৰ দহটা ৱাৰ্ডৰ সহস্ৰাধিক মহিলাই বিহপুৰীয়া কলেজীয়েট উচ্চতৰ মাধ্যমিক বিদ্যালয়ৰ খেলপথাৰৰ পৰা উলিওৱা অমৃত কলহ যাত্ৰা উদ্বোধন কৰে বিধায়ক ড° অমিয় কুমাৰ ভূঞাই ৷

বিহপুৰীয়া নগৰৰ মাজেৰে উলিওৱা অমৃত কলহ যাত্ৰা পৌৰ সভা কাৰ্যালয়ত সামৰণি পৰে ৷ পৌৰ সভা কাৰ্যালয় প্ৰাঙ্গণত মাংগলিক কাৰ্যসূচীৰ মাজেৰে দহটা ৱাৰ্ডৰ পৰা সংগৃহীত মাটি সমূহ সংগ্ৰহ কৰাৰ পাছত এখন ৰাজহুৱা সভা অনুষ্ঠিত কৰা হয় ৷ পৌৰ সভাৰ জ্যেষ্ঠ কৰ্মচাৰী প্ৰভাত শৰ্মাই আতঁ ধৰা সভাখনত বিধায়ক ড° অমিয় কুমাৰ ভূঞা আৰু সাংসদ পল্লৱলোচন দাসৰ লগতে বিজেপিৰ লখিমপুৰ জিলা সমিতিৰ সভাপতি ফনিধৰ বৰুৱা,পৌৰপতি দিপশিখা বৰা আৰু অতিৰিক্ত উপায়ুক্ত সুলক্ষণা বৰপাত্ৰগোহাঁইয়ে অংশগ্ৰহণ কৰে ৷