ডিজিটেল সংবাদ, বজালীঃ অৱশেষত অন্ত পৰিল বজালীৰ মৃতদেহ পুতি থোৱা ঘটনাৰ । সাংবাদিকৰ তৎপৰতাত ভৱানীপুৰ আৰক্ষীৰ সহযোগত সৎকাৰ কৰা হʼল মৃত নিৰঞ্জন বৰাৰ মৃতদেহ ।
গাঁওবাসী ওলাই আহিল মৃতদেহ সৎকাৰৰ বাবে । মৰণোত্তৰ পৰীক্ষাৰ অন্তত আৰক্ষীৰ পৰা মৃতদেহ গ্ৰহণ কৰিছিল জুতিকাৰ আত্মীয়ই । যোৱা ৫ এপ্ৰিলৰ নিশা পত্নী জুতিকা বৰাই হত্যা কৰিছিল স্বামী নিৰঞ্জন বৰাক ।
মৃতদেহ সৎকাৰৰ বিপৰীতে গলিয়া শ্মশানত মাটিত পুতি থৈছিল মৃতদেহটো । সাংবাদিকৰ উপস্থিতিৰ পিছতেই মৃতদেহ সৎকাৰৰ বাবে ওলাই আহিল গাওঁবাসী ।
অৱশেষত গাঁতৰ পৰা মৃতদেহ খান্দি উলিয়াই হিন্দু নিয়ম অনুসৰি সৎকাৰ কৰা হʼল মৃতদেহটো ।