ডিজিটেল সংবাদ বিহালীঃ বিহালী খণ্ড প্ৰাথমিক চিকিৎসালয়খনত কৰ্মৰত চিকিৎসৰ অনিয়মীয়া উপস্থিতিয়ে জ্বলাকলা খুৱাইছে ৰোগীক৷ ৰোগীয়ে ৰোগীয়া দেহাৰে চিকিৎসকক বিচাৰি দিব লগা হৈছে ভূতপৰ৷
দৰাচলতে ,বিহালী খণ্ড প্ৰাথমিক চিকিৎসালয়খনত তিনিগৰাকীকৈ চিকিৎসক আছে যদিও কৰ্ম সংস্কৃতিৰ অভাৱ চিকিৎসকলৰ যাৰবাবে ৰোগীয়ে চিকিৎসা বিচাৰি পুৱাৰ পৰা ভূতপৰ দিব লগা হৈছে৷ অভিযোগমতে, আজি বিহালী খণ্ড প্ৰাথমিক চিকিৎসালয়ত কৰ্মৰত তিনিগৰাকী চিকিৎসকৰ কোনো এজন চিকিৎসক পুৱা ১১ বজালৈকে উপস্থিত নাই ৷
যাৰবাবে অঞ্চলটো বিভিন্ন স্থানৰ পৰা অহা ৰোগীৰ লগতে অভিভাৱকে দূৰ্ভোগ ভূগিব লগা হৈছে ৷ উল্লেখ্য যে, বিহালী খণ্ড প্ৰাথমিক চিকিৎসালয়ৰ চিকিৎসক আৰু নাৰ্ছৰ বিৰুদ্ধে দেধাৰ অভিযোগ উত্থাপন হৈ আহিছে ৷ কৰ্মসংস্কৃতিহীন বিহালী খণ্ড প্ৰাথমিক চিকিৎসালয়ত কৰ্মৰত চিকিৎসক,নাৰ্ছ আৰু স্বাস্থ্যকৰ্মীৰ বিৰুদ্ধে কঠোৰ পদক্ষেপ দাবী কৰিছে ভুক্তভোগীসকলে৷