ডিজিটেল সংবাদ,ধেমাজিঃ অসম চৰকাৰৰ সংস্কৃতিক পৰিক্ৰমা বিভাগৰ উদ্যোগত আৰু ধেমাজি জিলা প্ৰশাসনৰ সহযোগত ধেমাজি ৰাজহুৱা প্ৰেক্ষাগৃহত বৃহস্পতিবাৰে ৰাভা দিৱস উদযাপন কৰা হয়। এই উপলক্ষে বিয়লি ৪ বজাত ধেমাজি জিলা উন্নয়ন প্ৰাধিকৰণৰ অধ্যক্ষ তোলন কোঁৱৰে বন্তি প্ৰজ্বলনেৰে কাৰ্য্যসূচী শুভাৰম্ভ কৰে ৷
ইয়াৰ পিছতেই জিলা প্ৰশাসনৰ হৈ ৰাভাৰ প্ৰতিছবিত শ্ৰদ্ধাঞ্জলি জনাই ধেমাজি জিলা উন্নয়ন আয়ুক্ত বিশ্বজিৎ ফুকন,অতিৰিক্ত জিলা আয়ুক্ত দ্বয় যাদৱ পেগু আৰু ঋতুপল্লৱ বৰুৱাই ৷ জিলা অতিৰিক্ত আয়ুক্ত ড° সঞ্জীৱ কুমাৰ ফুকনে আদৰণি ভাষণ দিয়ে ৷
অনুষ্ঠানত ধেমাজি সদৰ মহকুমাধিপতি (সদৰ) নন্দিতা ৰয় গোহাঁই, সহকাৰী ক্ৰমে আয়ুক্ত জলি দাস,সহকাৰী আয়ুক্ত সীমা দেৱী ইয়েন, গুনমনি বৰুৱা,আৰু প্রীতিৰেখা গগৈয়ে ৷ অনুষ্ঠানত বিশিষ্ট শিল্পী ড° বনজিৎ ভট্টকে ধৰি বহু কেইবাগৰাকী শিল্পীয়ে ৰাভা সংগীত পৰিবেশন কৰি শিল্পী গৰাকীক শ্ৰদ্ধাৰে সোঁৱৰণ কৰে ৷ সন্ধিয়ালৈ ৰাইজৰ বাবে মুখ্যমন্ত্ৰী ড° হিমন্ত বিশ্ব শৰ্মাৰ অনুষ্ঠানৰ পোনপটীয়া সম্প্ৰচাৰ কৰে ৷