ডিজিটেল সংবাদ,ঘিলাধাৰী: বৰহোলা কলাকুঞ্জ ভৱনৰ প্ৰাঙ্গণত শিক্ষাবিদ জয়ৰাম বৰাৰ ক্ষেত্ৰত ৯ দিনীয়াকৈ অনুষ্ঠিত হৈছে সদৌ অসম ভিত্তিক দ্বিতীয় বাৰ্ষিক শিশু ভাওনা প্ৰতিযোগিতা ৷ সদৌ অসম শিশু ভাওনা সমাৰোহ উদযাপন সমিতি বৰহোলাৰ উদ্যোগত, শংকৰ-মাধৱ শিশু শিল্পী সমাজৰ সহযোগত অনুষ্ঠিত হোৱা ভাওনা প্ৰতিযোগিতাস্থলীত আধ্যাত্মিক পৰিৱেশৰ লগতে উখল-মাখল পৰিৱেশে বিৰাজ কৰিছে।
ভাওনা উপভোগ কৰিবলৈ প্ৰতিদিনে বিভিন্ন প্ৰান্তৰ পৰা সহস্ৰাধিক লোকৰ সমাগম হৈছে ৷ এই প্ৰতিযোগিতাত অসমৰ বিভিন্ন প্ৰান্তৰ পৰা অহা ভাওনা দলে অংশ লয় ৷ ভাওনাত প্ৰতিদিনে দুখনকৈ মহাপুৰুষীয়া নাট মঞ্চস্থ হৈছে ৷ ৩ নৱেম্বৰ পৰা অনুষ্ঠিত হোৱা এই শিশু ভাওনা প্ৰতিযোগিতাৰ ১১ নৱেম্বৰত সামৰণি পৰিব ৷