ডিজিটেল সংবাদ,যোৰহাট : সদ্যসমাপ্ত গোৱাত অনুষ্ঠিত ৬ষ্ঠ ৰাষ্ট্ৰীয় মাষ্টাৰ্ছ গেমছ গোৱা ২০২৪ত অসম দলৰ হৈ প্ৰতিনিধিত্ব কৰা যোৰহাট জিলাৰ মহিলা খেলুৱৈ মালা বৰুৱাই এটা সোণ আৰু দুটা ৰূপৰ পদক অৰ্জন কৰি গৌৰৱ কঢ়িয়াই আনিছে। পেছাত তেওঁ এগৰাকী যোগ শিক্ষকৰ লগতে যোগ প্ৰতিযোগিতাৰ বিচাৰক।
যোৰহাটৰ ক্লাব ৰোড এক নং ৰামকৃষ্ণ নগৰৰ নিবাসী মালা বৰুৱাই ৰাষ্ট্ৰীয় প্ৰতিযোগিতাখনত ৪০ বছৰ ঊদ্ধৰ্ধৰ শাখাত ৫ হাজাৰ মিটাৰ খোজকঢ়া প্ৰতিযোগিতাত সোণৰ পদক অৰ্জন কৰে। ইয়াৰোপৰি ১০০ মিটাৰ হাৰ্ডলছ আৰু ডিছকাছ থ্ৰ'ত ৰূপৰ পদক অৰ্জন কৰি যোৰহাটৰ লগতে অসমলৈ গৌৰৱ কঢ়িয়াই আনিছে।