ডিজিটেল সংবাদ তিতাবৰঃ তিতাবৰ আৰক্ষী বৃহৎ সাফল্য। তিতাবৰৰ ফুলবাৰী বজাৰৰ সমীপত জব্দ কৰিবলৈ সক্ষম হৈছে প্ৰায় ১ কোটি টকাৰ নিষিদ্ধ দ্ৰব্য।
জানিব পৰা মতে আজি তিতবাৰ আৰক্ষীয়ে অতিৰিক্ত আৰক্ষী অধীক্ষক কৌশিক কলিতাৰ নেতৃত্বত এক ড্ৰাগছ বিৰোধী অভিযান চলাইছিল। এই অভিযানৰ সময়তে বৃহৎ পৰিমাণৰ নিচাযুক্ত টেবলেট জব্দ কৰে অভিযানকাৰী দলটোৱে।
মুঠ ৮ টা চাবোনৰ বাকচত নিষিদ্ধ ড্ৰাগছৰ লগতে এটা পলিথিনত ৫৯৯ টা ছেমপেক্স নামৰ নিচাযুক্ত টেবলেটখিনি আছিল। এই নিষিদ্ধ সামগ্ৰীখিনি কঢ়িয়াইছিল নাগালেণ্ডৰ দুজন ব্যক্তিয়ে। ধৃত দুই ব্যক্তি ক্ৰমে নাগালেণ্ডৰ নিউচুৰি বস্তিৰ চুম্বেম' আৰু আকাহ'টো বস্তিৰ খেট'বি।