ডিজিটেল সংবাদ, জামুগুৰিহাটঃ শোণিতপুৰ জিলাৰ জামুগুৰিহাটৰ বটিয়াৰোকা নচিংটাপুৰ ঘন অৰন্যত যোৱা ৩৫ বছৰৰো অধিক কাল ধৰি গছৰ ওপৰৰ চাং ঘৰত বসবাস কৰি অহা এগৰাকী ব্যক্তি হ'ল কৈলাশ ভূঞাঁ ৷ নিজ পৰিয়াল তথা মানৱ সমাজৰ পৰা নিলগত থকা এইগৰাকী ব্যক্তিয়ে সূদীৰ্ঘ ৩৫ বছৰো অধিক কাল ধৰি জীৱ জন্তু চৰাই চিৰিকটিৰেই সহৱস্থান কৰি অহা পৰিলক্ষিত হৈছে ৷
এইয়া কোনো হিন্দী চিনেমাৰ টাৰ্জানৰ কাহিনী নহয়৷ এইয়া হ'ল জামুগুৰিহাটৰ এখন হাবিত অকলেই দীৰ্ঘদিন ধৰি জীৱ-জন্তু আৰু গছ, লতা ,তৰু তৃণৰ লগত বসবাস কৰি অহা এগৰাকী চিৰকুমাৰৰ বাস্তৱ জীৱনশৈলী সঁচা তাৰ্জান তথা অৰন্যমানৱৰ সঁচা কাহিনী৷জীৱজন্তুৰ সৈতেও কথা পাতিব জনা এই এইগৰাকী কৈলাশ ভূঞাঁই পশু পক্ষীৰ সুৰক্ষাৰ স্বাৰ্থত নিজ এলেকাৰ হাবি খনত কোনো লোককেই সোমাবলৈ নিদিয়ে৷
গছৰ ওপৰতেই থকা-ৰান্ধি খোৱাৰ লগতে নিশা শুব পৰা সকলো সুবিধা কৰি লোৱা কৈলাশ ভূঞাই মানৱ জাতিৰ অমানবীয় কাৰ্য সহ্য কৰিব নোৱাৰিয়েই এইদৰে জংঘলত বাস কৰিবলৈ লোৱা বুলিও জানবলৈ দিয়ে ৷