ডিজিটেল ডেস্কঃ অসম আৰু অৰুণাচলৰ মাজত দীৰ্ঘদিন ধৰি চলি থকা সীমা সমস্যাক লৈ শুকুৰবাৰে পুনৰ এক গুৰুত্বপূৰ্ণ বৈঠক অনুষ্ঠিত হয় ৷ অৰুণাচলৰ চিজুছাষ্ঠিত পাকে টাইগাৰ ৰিজাৰ্ভ পৰিদৰ্শন ভৱনত অনুষ্ঠিত গুৰুত্বপূৰ্ণ বৈঠকত অসমৰ হৈ অংশগ্ৰহণ কৰে অভিভাৱক মন্ত্ৰী পীযুষ হাজৰীকা আৰু চতিয়া সমষ্টিৰ বিধায়ক পদ্ম হাজৰিকাই ৷
অন্যহাতে অৰুণাচলৰ হৈ উক্ত বৈঠকত অংশগ্ৰহণ কৰে বন মন্ত্ৰী মামা নাটুং আৰু পাকেকিচাংৰ বিধায়ক বিওৰাম ৱাগেৰ লগতে বন বিভাগৰ উচ্চ পদস্থ বিষয়াই ৷ অৰুণাচলৰ দখলত থকা ন মৰা, ৱেষ্ট বেংক আদি কৰি কেইবাটাও অঞ্চলক লৈ বহু সময় ধৰি দুয়োপক্ষৰ মাজত চলা আলোচনাৰ অন্তত অৰুণাচলে নিজৰ দখলত থকা সম পৰিমাণৰ মাটি অসমক এৰি দিয়াৰ সিদ্ধান্ত গ্ৰহন কৰে ৷
উল্লেযোগ্য যে বৈঠকৰ পিছতে দুয়ো পক্ষই কেইবাটাও বিবাদমান এলেকা পৰিদৰ্শন কৰে ৷