ডিজিটেল ডেস্কঃ উচ্চতৰ মাধ্যমিকৰ পৰীক্ষা চলি থকাৰ মাজতে গুৱাহাটীত অঘটন। CBSEৰ পৰীক্ষাৰ প্ৰথম দিনাই চৰম সিদ্ধান্ত ল'লে মহানগৰীৰ এজন ছাত্ৰই ।
বৃহস্পতিবাৰে বেলতলা চন্দন নগৰৰ ফ্লেটত উদ্ধাৰ হয় DPSৰ ছাত্ৰৰ মৃতদেহ । ওলমি থকা অৱস্থাত উদ্ধাৰ হয় ময়ূৰ গোস্বামী নামৰ ছাত্ৰজনৰ মৃতদেহ ।
ময়ূৰ গোস্বামী আছিল অতি মেধাবী ছাত্ৰ। দশম শ্ৰেণীৰ চূড়ান্ত পৰীক্ষা AISSEত দেশৰ ভিতৰতে পঞ্চম স্থান পাইছিল ময়ুৰে । বৃহস্পতিবাৰে উৰ্বশী এনক্লেভৰ ফ্লেট নম্বৰ ১০২ত উদ্ধাৰ ছাত্ৰজনৰ মৃতদেহ ৷
এজন কেয়াৰ টেকাৰৰ সৈতে ফ্লেটত অকলে বাস কৰিছিল ময়ুৰে ৷ পুৱা শুই উঠি ৰুমৰ দৰ্জা বন্ধ অৱস্থাত দেখা পাইছিল কেয়াৰ টেকাৰে ৷ পিছত এনক্লেভটোৰ নিৰাপত্তাৰক্ষীয়ে দুৱাৰ ভাঙি দেখা পাই ওলমি থকা ৷
ঘটনাস্থলীত দিছ্পুৰ আৰক্ষী উপস্থিত হৈ মৃতদেহটো GMCHৰ মৰ্গলৈ লৈ যায় । আৰক্ষীয়ে ৰূমটোৰ পৰা উদ্ধাৰ কৰে এখন চুইচাইড নোট ৷ ঘটনা সন্দৰ্ভত আৰক্ষীৰ তদন্ত অব্যাহত।