ডিজিটেল সংবাদ, বেবেজীয়াঃ প্রত্যেক বছৰৰ দৰে এই বছৰো সদ্যঘোষিত সৰ্বভাৰতীয় মেডিকেল প্রৱেশ পৰীক্ষাত(Neet) নগাঁৱৰ অগ্রনী শিক্ষানুষ্ঠান ডাছোৱানী ক্লাছেচৰ সফলতাৰ ধাৰা অব্যাহত ৰাখিবলৈ সক্ষম হৈছে । প্রতিষ্ঠানখনৰ পৰা এইবছৰত মুঠ অৱতীৰ্ণ হোৱা ১০০ জন ছাত্ৰ-ছাত্রীৰ ভিতৰত ১০০ জনেই মেডিকেল প্রৱেশ পৰীক্ষাত সফলতা লাভ কৰিবলৈ সক্ষম হৈছে। Neet পৰীক্ষাত ময়ুৰী শৰ্মা ৬৭৫ নম্বৰ লাভেৰে প্ৰতিষ্ঠানখনৰ পৰা প্ৰথম স্থানত উত্তীৰ্ণ হবলৈ সক্ষম হয়।
প্ৰতিষ্ঠানখনৰ পৰিচালক ড° প্ৰাঞ্জল কুমাৰ বৰাই জনোৱা মতে NEET পৰীক্ষাত অৱতীৰ্ণ ছাত্ৰ-ছাত্ৰীৰ ভিতৰত ৪৫ জন ছাত্ৰ-ছাত্ৰীয়ে চৰকাৰী চিকিৎসালয়ত পঢ়িবৰ বাবে সুবিধা লাভ কৰিব। প্ৰতিষ্ঠানখনৰ উত্তৰণৰ বাবে ৰাজস্থান কোটাৰ পৰা অহা ৮জন বিশেষ অভিজ্ঞ শিক্ষকে পাঠদান কৰে।
পুৱা ৯ বজাৰ পৰা আবেলি ৪ বজালৈ নিয়মিত পাঠদান আৰু সাপ্তাহিক মূল্যায়নৰ ব্যৱস্থাই ছাত্ৰ-ছাত্ৰীসকলক আগুৱাই নিয়ে বুলি পৰিচালক ড° প্ৰাঞ্জল কুমাৰ বৰাই আমাক অৱগত কৰে। ডাছোৱানীৰ এই সাফল্যই জিলাখনলৈ এক সুনাম কঢ়িয়াই অনাৰ লগতে প্ৰতিষ্ঠানখনৰ ছাত্ৰ-ছাত্ৰী, শিক্ষক, অভিভাৱক সকলৰ মাজত এক আনন্দৰ পৰিৱেশ বিৰাজ কৰিছে। ডাছোৱানিৰ পৰিচালক ড°প্ৰাঞ্জল কুমাৰ বৰাই জানিব দিয়া মতে চলিত বৰ্ষৰ পাঠ্যক্ৰমসমূহ অহা ২০ জুনৰ পৰা আৰম্ভ হ'ব ।