ডিজিটেল ডেস্ক : নগাঁৱৰ জুৰীয়াত সংঘটিত হৈছে চাঞ্চল্যকৰ ডকাইতি কাণ্ড। নিচাযুক্ত দ্রব্য খুৱাই লুটপাত এজন যুৱকক।
জানিব পৰা মতে যুৱকজনৰ পৰা লুটি নিলে নগদ ধন আৰু ম’বাইল ফোন। অৱশ্যে কিমান পৰিমাণৰ ধন লুটি নিছে সেই সন্দৰ্ভত এতিয়ালৈকে জানিব পৰা হোৱা নাই।
অচিনাক্ত দুৰ্বৃত্তই ভুক্তভোগী যুৱকজনক মুৰ্মূৰ্ষু অৱস্থাত পথৰ দাঁতিত পেলাই থৈ যোৱা বুলি জানিব পৰা গৈছে। এইখিনিতে উল্লেখ কৰা প্ৰয়োজন যে লখিমপুৰৰ পৰা নগাঁৱলৈ নৈশ বাছত আহিছিল যুৱকজন।
নিশা নগাঁৱত নামি জুৰীয়ালৈ গৈ থকা অৱস্থাত সংঘটিত হয় এই ঘটনা। আৰক্ষীয়ে যুৱকজনক উদ্ধাৰ কৰি নগাঁৱৰ চিকিৎসালয়ত ভৰ্তি কৰে।