নগাঁৱৰ ভাৰোত্তোলন প্ৰতিযোগীক বিশেষ সম্বৰ্ধনা

ডিজিটেল সংবাদ, নগাঁও: নগাঁও ক্ৰীড়া সংস্থাৰ স্প’ৰ্টছ ক্লাব পেভিলিয়নৰ প্ৰেক্ষাগৃহত দেওবাৰে সন্ধিয়া ডিব্ৰুগড়ত সদ্য সমাপ্ত ৫২সংখ্যক ৰাজ্যিক পৰ্যায়ৰ ভাৰোত্তোলন প্ৰতিযোগিতাত সাফল্য লাভ কৰা নগাঁৱৰ ভাৰোত্তোলন প্ৰতিযোগীসকলক বিশেষ সম্বৰ্দ্ধনা জনোৱা হয়৷ নগাঁও জিলা ভাৰোত্তোলন সংস্থাই আয়োজন কৰা অনুষ্ঠানটোত  উক্ত প্ৰতিযোগিতাত ভাগ লোৱা প্ৰতিযোগীকো লগতে সম্বৰ্দ্ধনা জনায়৷ 

সংস্থাৰ উপদেষ্টা অসীম ভাৱালে আঁত ধৰা অনুষ্ঠানটোত মুখ্য অতিথি তথা স্থানীয় বিধায়ক ৰূপক শৰ্মা আৰু সন্মানীয় অতিথি তথা নগাঁও ক্ৰীড়া সংস্থাৰ সাধাৰণ সম্পাদক তপন কুমাৰ দাস উপস্থিত থাকি প্ৰতিযোগী সকলক সম্বৰ্দ্ধনা জনায়৷  উক্ত ওজন ভিত্তিক প্ৰতিযোগিতাত  জুনিয়ৰ ল’ৰা শাখাত আৰু পুৰুষ শাখাতো  দীপাংশু দীপ্ত বৰাই ব্ৰঞ্জৰ পদক লাভ কৰে৷ মৌচুমী বৈশ্যই  জুনিয়ৰ ছোৱালী শাখাত সোন আৰু ছিনিয়ৰ মহিলা শাখাত ব্ৰঞ্জৰ পদক, ডিম্পী শইকীয়াই জুনিয়ৰ ছোৱালী শাখাত সোন, ৰশ্মি বাগলাৰীয়ে জুনিয়ৰ ছোৱালী শাখাত ব্ৰঞ্জ আৰু ফাইজুল আলমে য়ুথ শাখাত ৰূপৰ পদক অৰ্জন কৰে৷

Also Read: নিউয়ৰ্কত অধ্যাপক ইউনুছক সাক্ষাতৰ সম্ভাৱনা প্ৰধানমন্ত্ৰী মোডীৰ...