ডিজিটেল ডেস্কঃ কামপুৰ নগৰৰ মাজমজিয়াত বন্যহস্তাৰ আতংক। দুজনকৈ লোক আহত হৈছে বন্যহস্তীৰ আক্ৰমণত। জানিব পৰা মতে দুয়োৰে অৱস্থা সংকটজনক।
বন্যহস্তীৰ আক্ৰমণত আহত দুই ব্যক্তিৰ নাম ক্ৰমে কালামুদ্দিন আৰু হেনাৰাণী ঘোষ। দুয়োকে সংকটজনক অৱস্থাত নগাঁৱলৈ প্ৰেৰণ কৰা হৈছে।
ইফালে বন্যহস্তীৰ আক্ৰমণতে মৃত্যু হৈছে এটা পশুধনৰ। পৰিস্থিতি এনে পৰ্যায় পাইছেগৈ যে, বন্যহস্তীৰ আতংকৰ বাবেই বন্ধ কৰিবলৈ বাধ্য হৈছে শিক্ষানুষ্ঠান।
দুখনকৈ শিক্ষানুষ্ঠান বন্ধ কৰা হৈছে বন্যহস্তীৰ সন্ত্ৰাসৰ বাবে। এটা হাতীৰ জাকে কামপুৰত চলাই আছে সন্ত্ৰাস।