মানকাচৰৰ চোমৰাশালীত পিক আপ ভেনৰ পৰা পৰি এজনৰ মৃত্যু।
থিতাতে নিহত হোৱা লোকজনক জয়নাল আবেদিন বুলি চিনাক্ত কৰা হৈছে।
কোকৰাঝাৰ জিলাৰ সাপকাটা থানা এলেকাৰ অধীনস্থ হাউৰীয়া গাঁৱৰ জেহেদ আলীৰ পুত্ৰ জয়নাল।
ব্যৱসায় সূত্ৰে মানকাচৰলৈ আহি পিক আপ ভেনখনত উঠি হাটশিঙিমাৰী অভিমুখে আহি আছিল লোকজন।
দ্ৰুতবেগী পিকআপ ভেনৰ পৰা হঠাত পৰি গৈ থিতাতে নিহত হয় তেঁও।
পিক আপ ভেনখনৰ নম্বৰ এম এল 0৮ এইচ ৮৩৭০।
ইতিমধ্যে কালাপানী আৰক্ষীয়ে পিক আপ ভেন খন জব্দ কৰিছে।
লগতে মৃতদেহ উদ্ধাৰ কৰি মৰণোত্তৰ পৰীক্ষাৰ বাবে ধুবুৰীলৈ প্ৰেৰণ কৰাৰ ব্যৱস্থা কৰিছে।