ডিজিটেল ডেস্ক: এছ’ছিয়েছন অৱ ইণ্ডিয়ান জাৰ্ণেলিষ্ট চমুকৈ এ আই জে অসম শাখাই ডিজিটেল সাংবাদিকতাৰ শিতানত প্ৰৱৰ্তন কৰা 'ডিজিটেল ইংক এৱাৰ্ড'-২০২৪ৰ বাবে নিৰ্বাচন কৰিছে ডিম্পুল বৰগোহাঁইক। অসমীয়া প্ৰতিদিন ডিজিটেলৰ সাংবাদিক বৰগোহাঁইক এই সন্মান প্ৰদান কৰিব ২৫ আগষ্ট ২০২৪ত।
শ্ৰীমন্ত শংকৰদেৱ কলাক্ষেত্ৰৰ ড০ বাণীকান্ত কাকতি হলত আয়োজন কৰা এক গাম্ভীৰ্যপূৰ্ণ অনুষ্ঠানত উক্ত সন্মান প্ৰদান কৰা হ’ব। সেইদিনা এছ’ছিয়েন অৱ ইণ্ডিয়ান জাৰ্ণেলিষ্টে আয়োজন কৰা জাৰ্ণেলিষ্ট ফেষ্টিভেল ২০২৪ত বৰগোহাঁইক এই সন্মান প্ৰদান কৰাৰ কথা এক বিবৃতিযোগে জনাইছে সংগঠনটোৰ বিষয়ববীয়াসকলে।