ডিজিটেল ডেস্কঃ ৰাজ্যিক কেঞ্চাৰ প্ৰতিষ্ঠানত পেইন এণ্ড পলিয়েটিভ বিভাগৰ উদ্যোগত শনিবাৰে এখন ৰাষ্ট্ৰীয় পৰ্যায়ত প্ৰাইজ মানি কুইজ প্ৰতিযোগিতা অনুস্থিত হৈ যায় । এই সজাগতামূলক কুইজ প্ৰতিযোগিতাখনিত দেশৰ মুঠ ৪৪ জন প্ৰতিযোগীয়ে অংশগ্ৰহণ কৰে ।
জি এম চিৰ অধ্যক্ষ ডাঃ অচ্যুত চন্দ বৈশ্যই এই প্ৰতিযোগিতাখনিৰ উদ্বোধন কৰে । লগতে অধ্যক্ষগৰাকীয়ে উদ্বোধনী ভাষণত পেইন এণ্ড পলিয়েটিভ বিভাগৰ গুৰুত্বৰ ওপৰত মন্তব্য আগবঢ়ায় ।
উক্ত প্ৰতিযোগিতাখনিত উপস্থিত থাকি এছ চি আইৰ চুপাৰেনটেন্ট ডাঃ দেৱজিৎ চৌধুৰীয়ে প্ৰতিযোগিতাখনিত বিজয়ী হোৱা প্ৰতিযোগীসকলক মান পত্ৰ আৰু প্ৰাইজ বিতৰণ কৰে । এছচিআইৰ প্ৰতিগৰাকী সদস্য আজিৰ এই প্ৰতিযোগীতাখনত উপস্থিত থাকে ।