ডিজিটেল সংবাদ,গুৱাহাটীঃ জনতা ভৱনত ঘোচ লৈ গ্ৰেপ্তাৰ হোৱা পাৰ্থ হাজৰিকাৰ জৱাহৰ নগৰৰ হাউচফেড কমপ্লেক্সৰ ডি ব্লকৰ ১০৩ নং ফ্লেটত দুৰ্নীতি নিবাৰক শাখাই অভিযান চলায়। পাৰ্থ হাজৰিকাক লগত লৈ অভিযানকাৰী দলটোৱে চলোৱা অভিযানৰ সময়ত তেওঁৰ ফ্লেটৰ পৰা নগদ ৪৭,৩০,৫০০ টকা জব্দ কৰে।
জনতা ভৱনৰ কৰ্মচাৰী হাজৰিকৰ ঘৰত লাখে-লাখে টকা উদ্ধাৰ হোৱা লৈ সৰ্বত্ৰে চাঞ্চল্যৰ সৃষ্টি হৈছে। উল্লেখ্য যে, বুধবাৰে দিছপুৰ জনতা ভৱনৰ মূল গেটৰ সমীপত ২৪,৫০০ টকা উৎকোচ লোৱাৰ সময়তে দুৰ্নীতি নিবাৰক শাখাই অভিযান চলাই হাতে-লোটে আটক কৰিছিল পাৰ্থ হাজৰিকাক। আবকাৰী বিভাগৰ শাখা অফিচাৰ আছিল পাৰ্থ হাজৰিকা ।