ডিজিটেল সংবাদ,বঢ়মপুৰঃ নগাঁও জিলাৰ বঢ়মপুৰস্থিত শ্ৰীমন্ত শংকৰ মিশ্যন অন্ধ বিদ্যালয়ৰ ৬৫ সংখ্যক প্ৰতিষ্ঠা দিৱসটি আজি দেশৰ বৰ্তমান পৰিস্থিতিৰ প্ৰতি লক্ষ্য ৰাখি অনুষ্টুপীয়াকৈ উদযাপন কৰা হয় । কাৰ্য্যসূচী অনুসৰি পুৱা ৯ বজাত বিদ্যালয়ৰ পতাকা উত্তোলন কৰে শ্ৰীমন্ত শংকৰ মিশ্যন অন্ধ বিদ্যালয়ৰ উপ-সভানেত্ৰী তথা শিঙিয়া পোতনি মৌজাৰ মৌজাদাৰনী মাধন শইকীয়াই ।
ইয়াৰ পিছতে বিদ্যালয়ৰ প্ৰতিষ্ঠাপক লোকসেৱক হলধৰ ভূঞাৰ প্ৰতিমূৰ্তিত বিদ্যালয়খনৰ প্ৰধান শিক্ষয়িত্ৰী গুণ বৰাই পুষ্পাঞ্জলি প্ৰদানেৰে আৰু বিদ্যালয় পৰিচালনা সমিতিৰ সভাপতি নৱজ্যোতি নাথে বন্তি প্ৰজ্বলন কৰি গভীৰ শ্ৰদ্ধা নিবেদন কৰে ।
তেওঁলোকৰ লগতে শ্ৰীমন্ত শংকৰ মিশ্যনৰ সাধাৰণ সম্পাদক বল্লদেৱ শৰ্মা, উদযাপন সমিতিৰ সদস্য বলিন বৰা , বঢ়মপুৰ আঞ্চলিক পঞ্চায়তৰ সভানেত্ৰী ৰীনা দাস বৈষ্ণব, বিদ্যালয়ৰ সমূহ শিক্ষক-শিক্ষয়িত্ৰীৰ লগতে ছাত্র-ছাত্ৰীসকলে পুষ্পাঞ্জলিৰে শ্ৰদ্ধা জনায় ।
ইয়াৰ পিছতে বিদ্যালয়ৰ প্ৰধান শিক্ষয়িত্ৰী গুণ বৰা আৰু সহ: শিক্ষক ভূপেন শৰ্মাই বৃক্ষৰোপণ কাৰ্য্যসূচী মুকলি কৰে। ৰীনা দাস বৈষ্ণৱে আঁত ধৰা এই অনুষ্ঠানৰ পিছত প্ৰধান শিক্ষয়িত্ৰীৰ নেতৃত্বত বিদ্যালয়ৰ প্ৰতিষ্ঠা দিৱস সম্পৰ্কত এখনি আলোচনা চক্ৰ অনুষ্ঠিত হয় । সন্ধিয়া বন্তি প্ৰজ্বলনেৰে কাৰ্যসূচীৰ অন্ত পৰে ।