ডিজিটেল ডেস্কঃ এদিন পূৰ্বে দুলু আহমেদে সামাজিক মাধ্যমত অসম জাতীয় পৰিষদৰ সভাপতি লুৰীণজ্যোতি গগৈৰ বিৰুদ্ধে কংগ্ৰেছৰ ভৰিত পৰা বুলি আৰু দলটো বন্ধ কৰি দিয়াৰ ধমকি দিছিল৷ তাৰ পাছতে আজি দল ত্যাগৰ ঘোষণা কৰিছে প্ৰিন্স ফাইজুল হকে৷
প্ৰাক্তন আছু নেতা তথা অসম জাতীয় পৰিষদৰ নেতা প্ৰিন্স ফাইজুল হকে অসম গণ পৰিষদত যোগদানৰ ঘোষণা কৰিছে৷ অসম জাতীয় পৰিষদৰ পৰা পদত্যাগ কৰি অসম গণ পৰিষদত যোগদান কৰিব হকে৷
প্ৰিন্স ফাইজুল হক অসম জাতীয় পৰিষদৰ সম্পাদক আছিল৷ বিগত বিধানসভা নিৰ্বাচনত দিছপুৰৰ বিধানসভা সমষ্টিত অসম জাতীয় পৰিষদৰ তৰফৰ পৰা প্ৰতিদ্বন্দ্বিতা কৰিছিল৷