ডিজিটেল ডেস্ক : টি-২০ বিশ্বকাপৰ সম্প্ৰতি বিজয়ৰ ধাৰাবাহিকতা অক্ষুন্ন ৰাখিছে ৰোহিত শৰ্মা নেতৃত্বাধীন ভাৰতীয় ক্ৰিকেট দলে। শনিবাৰে বাংলাদেশৰে হোৱা ছুপাৰ 8 পৰ্বৰ দ্বিতীয়খন মেচত ৰোমাঞ্চকৰ বিজয় সাব্যস্ত কৰিছে টীম ইণ্ডিয়াই।
পোনতে বেট ধৰি ভাৰতে নিৰ্ধাৰিত অভাৰত ১৯৬ ৰান সংগ্ৰহ কৰে। এই ৰানৰ মূলতে হাৰ্ডিক পাণ্ডিয়াৰ অনবদ্য অৰ্ধশতক। তেওঁ দললৈ ৫০ ৰানৰ সুন্দৰ ইনিংছ উপহাৰ দিয়ে।
ইফালে বিৰাট কোহলি, ঋষভ পণ্ট আৰু ডুবে ৩০ৰো অধিক ৰান কৰি দলৰ ইনিংছ মজবুত কৰে। আনহাতে ভাৰতে বান্ধি দিয়া বিজয় লক্ষ্য অতিক্ৰম কৰিবলৈ গৈ বাংলাদেশ ১৪৬ ৰানতে থমকি ৰয়। কাৰ্যতঃ ৫০ ৰানৰ বিশাল ব্যৱধানত টীম ইণ্ডিয়াই জয়লাভ কৰে।