ডিজিটেল সংবাদ, ইটানগৰ: বৃহস্পতিবাৰে নিশা গুৱাহাটীৰ পৰা নাহৰলগুণ অভিমুখী ডয়নি প'ল এক্সপ্ৰেছৰে যাত্ৰা কৰা ইটানগৰৰ এগৰাকী যুৱক পুৱতি নিশাৰ পৰাই নিৰুদ্দেশ হৈ আছে। টাৰ টাপিং নামৰ ২৩ বছৰীয়া যুৱকজনৰ ৰঙা টি চাৰ্ট আৰু মোগা বৰণৰ লং পেন্ট পৰিধান কৰি আছিল। প্ৰায় পাঁচ ফুট ছয় ইঞ্চি ওখ যুৱকজনৰ গাৰ বৰণ বগা।
পৰিয়ালৰ লোকে জনোৱা মতে যোৱা কিছুদিন ধৰি মানসিকভাৱে অসুস্থ যুৱকজনক গুৱাহাটীৰ জি এন আৰ চি হাস্পতালত চিকিৎসা কৰি বৃহস্পতিবাৰে ইটানগৰ লৈ যোৱাৰ পথত ৰাঙাপাৰা জংচন আৰু হাৰমতি ষ্টেচনৰ ভিতৰতে যুৱকজন নিৰুদ্দেশ হৈছে।
কোনো সদাশয় লোকে যুৱক জনৰ সন্ধান পালে 9774880837, 7005288451 নম্বৰত যোগাযোগ কৰিবলৈ পৰিয়ালৰ লোকে আহ্বান জনাইছে। উল্লেখ্য যে নিৰুদ্দেশ যুৱকজনৰ সম্ভেদ দিয়া জনক পৰিয়ালৰ লোকে দহ হাজাৰ টকাৰ পুৰস্কাৰ দিব বুলিও জনাইছে।