ডিজিটেল সংবাদ লামডিংঃ লামডিং মহাবিদ্যালয়ৰ আলোচনা চক্ৰ হ'লত সাহিত্য একাডেমীৰ উদ্যোগত তথা লামডিং মহা বিদ্যালয়ৰ বেংগলী বিভাগৰ ব্যৱস্থাপনাত আজি বহুভাষিক কবি সন্মিলন অনুষ্ঠিত হয় ৷ লামডিং মহাবিদ্যালয়ত অনুষ্ঠিত এই কবি সন্মিলনত বহু কেইজন কবিয়ে অংশ গ্ৰহন কৰাৰ লগতে লামডিং মহাবিদ্যালয়ৰ অধ্যাপক অধ্যাপিকাসহ বহু ছাত্ৰ-ছাত্ৰী উপস্থিত থাকে ৷
এই কবি সন্মিলনত মৌচুমী কংসবনিক আৰু নাৰায়ন দত্তৰ ৰচিত "বাংলা নিৰ্বাচিত সাহিত্য টীকা" আৰু সঞ্জয় ভট্টাচাৰ্যৰ ৰচিত "হাস্যকৰ ও সংগীৰা" নামৰ দুখন গ্ৰন্থও উন্মোচন হয়। আজিৰ কবি সন্মিলনৰ সঞ্চালনা কৰে নেপালী সাহিত্য একাডেমী বটা প্ৰাপ্ত কবি কে বি নেপালীয়ে ৷
দেবৰাজ মিলিয়ে অসমীয়াত, সঞ্জয় ভট্টাচাৰ্যই বাংলা ভাষাত, বিলাইশ্ৰী ব্ৰহ্মই বড়ো ভাষাত, মাইফাল কেম্পাৰায়ে ডিমাছাত আৰু লঙ্গবীৰ তেৰঙে কাৰ্বি ভাষাত কবিতা পাঠ কৰে ৷