ডিজিটেল সংবাদ, বিহালীঃ দেওবাৰে বিহালীৰ বৰগাঙত এক ভয়ঙ্কৰ পথ দুৰ্ঘটনা সংঘটিত হৈছে। বৰগাঙৰ ১৫ নং ৰাষ্ট্ৰীয় ঘাইপথৰ শুকান সুঁতি দলঙৰ সমীপত AS 07 S 6090 নম্বৰৰ এখন বাহনে মহতিয়াই নিলে এজন চাইকেল আৰোহীক। ফলত গুৰুতৰভাৱে আহত হয় চাইকেল আৰোহীজন।
উল্লেখযোগ্য যে আহত আৰোহীগৰাকীক চিকিৎসালয়লৈ প্ৰেৰণ কৰে যদিও ইতিমধ্যে চিকিৎসকে মৃত ঘোষণা কৰে । মৃত লোকজন বিহালীৰে গাংমৌথানৰ চিত্তৰঞ্জন চৰকাৰ বুলি চিনাক্ত কৰা হৈছে। বৰগাঙ আৰক্ষীয়ে দুৰ্ঘটনা সংঘটিত কৰা বাহনখন জব্দ কৰাৰ লগতে মৃতদেহ উদ্ধাৰ কৰি মৰোণোত্তৰ পৰীক্ষাৰ বাবে প্ৰেৰণ কৰিছে ।