ডিজিটেল ডেস্কঃ লোকসভা নিৰ্বাচনৰ বাবে দেওবাৰে বিজেপিয়ে জাৰি কৰিলে নিৰ্বাচনী ইস্তাহাৰ। কেন্দ্ৰীয় মন্ত্ৰী ৰাজনাথ সিঙে ঘোষণা পত্ৰ জাৰি কৰি কয় যে ইস্তাহাৰৰ বাবে প্ৰায় ১৫ লাখ পৰামৰ্শ লাভ কৰা হৈছে। যাৰ ভিতৰত মুখ্য বিষয়সমূহ বাছনি কৰা হৈছে। তেওঁ কয়, আমি ২০১৪ চনৰ প্ৰতিশ্ৰুতি পূৰণ কৰিছো। ২০৪৭ চনলৈ ভাৰতক বিকশিত ৰাষ্ট্ৰ কৰাৰ বাবে আমি সংকল্প লৈছো। যি আমি কও সেয়া পূৰণ কৰো। লগতে কয়, মোডীৰ গেৰান্টী ২৪ কেৰেট সোনৰ দৰে শুদ্ধ।
বিজেপিয়ে ''মোডীৰ গেৰান্টী'' নামেৰে ঘোষণা পত্ৰ জাৰি কৰিছে। দিল্লীত বিজেপিৰ মুখ্য কাৰ্যালয়ত প্ৰধানমন্ত্ৰী নৰেন্দ্ৰ মোডীৰ উপস্থিতিত এই ঘোষণা পত্ৰ জাৰি কৰা হয়।
নিৰ্বাচনী ইস্তাহাৰত থকা গুৰুত্বপূৰ্ণ বিষয়সমূহ-
২০২৬ চনৰ অলিম্পিক আযোজন।
মহিলাসকলৰ বাবে ৩ কোটি লাখপতি দীদী।
ছৰ্ভাইকেল কৰ্কট ৰোগ, স্তনৰ কৰ্কট ৰোগৰ বাবে পৰিকল্পনা কৰা হ'ব।
শ্ৰী আন্নাই নেনো ইউৰিয়া আৰু কৃষি আন্তঃগাঁথনি বিকাশ কৰিব।
মাছমৰীয়াসকলক সহায় ।
ভাৰতৰ ঐতিহ্যক বিশ্বলৈ লৈ যোৱাৰ বাবে যোগৰ চৰকাৰী প্ৰমাণপত্ৰ প্ৰদান কৰিব।
সুবিধাবঞ্চিত শাখাক অগ্ৰাধিকাৰ দিয়া হ'ব।
আমি ২০২৫ ক জনজাতীয় গৌৰৱ হিচাপে ঘোষণা ।
অবিচি, এছচি, এছটিসকলৰ বাবে সন্মান।
নগৰীয়া আৱাস আৱৰ্জনা মুক্ত কৰা হ'ব।
সমগ্ৰ বিশ্বতে ৰামায়ণ উৎসৱ পালন। ইয়ে ভাৰতৰ সংস্কৃতিক সমৃদ্ধ কৰিব।
ঘোষণা পত্ৰ জাৰি কৰি বিজেপিৰ ৰাষ্ট্ৰীয় অধ্যক্ষ জেপি নাড্ডাই কয় যে, ৬০,০০০ গাঁৱক পকী ৰাস্তা নিৰ্মাণ কৰা হ'ব। আমি কেতিয়াও কল্পনা কৰা নাছিলো যে গাওঁবোৰ শক্তিশালী হ'ব বা অপ্টিকেল ফাইবাৰ গাওঁবোৰত উপলব্ধ হ'ব। কিন্তু আজি মই সুখী যে আপোনাৰ নেতৃত্বত ১.২ লাখ পঞ্চায়ত অপ্টিকেল ফাইবাৰৰ সৈতে সংযুক্ত হৈ আছে আৰু তেওঁলোকক ইণ্টাৰনেট সুবিধাৰ সৈতেও সংযুক্ত কৰা হৈছে। ভাৰতত এতিয়া ২৫ কোটিলোক দৰিদ্ৰতাৰ পৰা মুক্ত হৈছে।
নিৰ্বাচনী ইস্তাহাৰ ঘোষণা কৰাৰ সময়ত প্ৰধানমন্ত্ৰী নৰেন্দ্ৰ মোডীৰ লগতে বিজেপিৰ ৰাষ্ট্ৰীয় অধ্যক্ষ জেপি নাড্ডা, কেন্দ্ৰীয় গৃহমন্ত্ৰী অমিত শ্বাহ, প্ৰতিৰক্ষা মন্ত্ৰী ৰাজনাথ সিং, বিত্ত মন্ত্ৰী নিৰ্মলা সীতাৰমন উপস্থিত থাকে।
উল্লেখ্য যে, ১৯ এপ্ৰিলৰ পৰা আৰম্ভ হব লোকসভা নিৰ্বাচন। ৭ টা পৰ্যায়ত অনুষ্ঠিত হবলগীয়া এই নিৰ্বাচন ১ জুনত সমাপ্ত হব আৰু ফলাফল ঘোষণা হব ৪ জুনত।