ডিজিটেল ডেস্কঃ পোহনীয়া কুকুৰৰ আক্ৰমণৰ ঘটনা প্ৰায়ে বৃদ্ধি পাইছে। যাৰ বাবে বহু সময়ত বহুলোকৰ প্ৰাণ হানিও হয়। ইয়াৰ মাজতে কেন্দ্ৰই লৈছে এক ডাঙৰ সিদ্ধান্ত। এই ক্ষেত্ৰত কেন্দ্ৰই ৰাজ্যসমূহলৈ এক বিশেষ নিৰ্দেশনা জাৰি কৰিছে।
পিটবুল টেৰিয়ৰ, আমেৰিকান বুলডগ, ৰটৱেইলাৰ আৰু মেষ্টিফকে ধৰি ২৩ টা প্ৰজাতিৰ আক্ৰমণাত্মক কুকুৰৰ বিক্ৰী আৰু প্ৰজনন নিষিদ্ধ কৰাৰ নিৰ্দেশনা জাৰি কৰিছে।
ৰাজ্য আৰু কেন্দ্ৰশাসিত প্ৰদেশসমূহলৈ জাৰি কৰা নিৰ্দেশনাত কেন্দ্ৰই কৈছে যে ২৩ টা প্ৰজাতিৰ কুকুৰ মানুহে পুহিব নোৱাৰিব। নিৰ্দেশনাত এয়াও কোৱা হৈছে যাৰ ওচৰত এনে ধৰণৰ কুকুৰ আছে সেই কুকুৰৰ আগলৈ প্ৰজনন কৰিব নোৱাৰাৰ ব্যৱস্থা কৰিব লাগে।
পশুপালন আৰু দুগ্ধ পালন বিভাগে কৈছিল যে তেওঁলোকে নাগৰিক, নাগৰিক মঞ্চ আৰু পশু কল্যাণ সংগঠনৰ পৰা প্ৰতিনিধিত্ব লাভ কৰিছে যিয়ে কিছুমান প্ৰজাতিৰ কুকুৰক পোহনীয়া জন্তু হিচাপে আৰু অন্যান্য উদ্দেশ্যৰ বাবে নিষিদ্ধ কৰিছে। পেনেলে ২৩ টা প্ৰজাতিৰ কুকুৰ চিনাক্ত কৰিছিল, যাৰ ভিতৰত আছে মিশ্ৰণ আৰু ক্ৰছ প্ৰজনন আছিল। যি মানুহৰ বাবে বিপদজনক।
এই ২৩ প্ৰজাতিৰ কুকুৰসমূহৰ ভিতৰত আছে - পিটবুল টেৰিয়াৰ, টোচা ইনু, আমেৰিকান ষ্টাফৰ্ডশ্বিয়াৰ টেৰিয়াৰ, ফিলা ব্ৰাচিলেৰো, ডোগো আৰ্জেণ্টিনা, আমেৰিকান বুলডগ, ব'ৰবাউল কংগাল, মধ্য এছিয়ান শ্বেফৰ্ড ডগ আৰু ককেচিয়ান শ্বেফৰ্ড,দক্ষিণ ৰাছিয়ান শ্বেফৰ্ড, টৰ্ণাজেক, চাৰ্প্লানিনাক, জাপানী টোচা আৰু আকিতা, মাষ্টিফ, টেৰিয়াৰ, ৰোডেচিয়ান ৰিজবেক, উল্ফ ডগ, কানাৰিঅ, আকবাছ ডগ, মস্কো গাৰ্ড ডগ, বেত কৰ্চো আৰু বেণ্ডোগ।
ৰাজ্যলৈ প্ৰেৰণ কৰা পত্ৰত বিশেষজ্ঞ পেনেলৰ উদ্ধৃতি দি কৈছে যে ক্ৰছ ব্ৰিডকে ধৰি ওপৰোক্ত কুকুৰৰ আমদানি, প্ৰজনন, পোহনীয়া হিচাপে ৰখা বা আন কাৰণৰ বাবে ৰখা নিষিদ্ধ কৰা হ'ব।