ডিজিটেল ডেস্কঃ নৱবৰ্ষৰ প্ৰথমটো দিনতে জাপানত প্ৰকৃতিৰ ৰুদ্ৰমূৰ্তি। সোমবাৰে উত্তৰ মধ্য জাপনক জোকাৰি যায় ৭.৬ প্ৰাবল্যৰ ভূমিকম্পই। ফলত জাপানৰ সাগৰীয় পশ্চিম উপকূলৰ কিছু অংশত প্ৰায় ১ মিটাৰ উচ্চতাৰ চুনামীয়ে আঘাত কৰিছে। ইফালে ভূমিকম্পৰ ফলত বহু আৱাসগৃহৰ ক্ষতিৰ বাতৰি আহিছে।
জাপানৰ বতৰ বিজ্ঞান কেন্দ্ৰই উপকূলীয় অঞ্চলকসমূহলৈ সতৰ্কবাণী জাৰি কৰা চুনামীৰ সম্ভাৱনীয়তাৰ কথা উল্লেখ কৰিছে। বিশেষকৈ ইছিকাৱা, নিইগাটা আৰু ট'য়ামাত চুনামীৰ সতৰ্ক জাৰি কৰিছে। ইয়াৰোপৰি আগন্তুক সময়ত আৰু অধিক ভূমিকম্পৰো আশংকা কৰা হৈছে।