ডিজিটেল ডেস্কঃ কেৱল ধুনীয়া দেখাৰ বাবেই নহয়, শৰীৰ সুস্থ ৰখাৰ বাবেও ওজন নিয়ন্ত্ৰণ কৰাটো প্ৰতিজন লোকৰ বাবে জৰুৰী । অৱশ্যে বিভিন্ন কাৰকৰ বাবে আমাৰ শৰীৰত চৰ্বি বৃদ্ধি পায় । খোৱাত অনিয়ম, নিয়মিত ফাষ্ট ফুড, সুৰাপান, টোপনিৰ অভাৱৰ বাবে মূলত শৰীৰত চৰ্বি জমা হোৱাৰ কথা বিশেষজ্ঞই উল্লেখ কৰিছে।
এই সমূহৰ পৰা পৰিত্ৰাণ পোৱাৰ উপদেশ প্ৰদান কৰিছে বিশেষজ্ঞই । বিশেষজ্ঞৰ মতে আপুনি ওজন হ্ৰাস কৰিবলৈ কি কৰা উচিত ?
১) বহুতেই ভাবে ৰাতি আহাৰ খোৱা বন্ধ কৰিলে ওজন হ্ৰাস পায় । কিন্তু প্ৰকৃততে এইয়া সঁচা নহয় । দীৰ্ঘ সময় ধৰি খালি পেটৰে থকাৰ ফলত শৰীৰত অন্য সমস্যাই দেখা দিয়ে । সেয়ে আপুনি যিমান পাৰে সিমান সোনকালে নিশাৰ আহাৰ গ্ৰহণ কৰক । আহাৰ গ্ৰহণ আৰু নিশা শুৱাৰ মাজত দুই ঘন্টা ব্যৱধান ৰাখিবলৈ পৰামৰ্শ আগবঢ়াইছে বিশেষজ্ঞই ।
২) পুৱা আৰু দুপৰীয়াৰ আহাৰ গ্ৰহণৰ ক্ষেত্ৰত যথেষ্ট সময় খালি কৈ নাথাকিব । এইয়া শৰীৰৰ বাবে ক্ষতিকাৰক । ইয়াৰ বিপৰীতে বিশেষজ্ঞই অলপ অলপ কৈ কিছু সময়ৰ মূৰে মূৰে খোৱাৰ পৰামৰ্শ আগবঢ়াইছে । এনে কৰিলে একেলগে খাদ্য খোৱাৰ প্ৰৱণতা হ্ৰাস পাব ।
৩) যদি আপুনি কৰ্মক্ষেত্ৰলৈ বা অন্য কামৰ বাবে, আপোনাৰ ওচৰত কিছু স্বাস্থ্যকৰ লঘু আহাৰ ৰাখিব। যদি আপোনাৰ ভোক লাগিছে, আপুনি বাহিৰৰ খাদ্য নোখোৱাকৈ নিজে লৈ যোৱা জলপান খাব পাৰে।