ডিজিটেল সংবাদ, জামুগুৰিহাটঃ অসম অৰুণাচল সীমান্তৱৰ্তী চিজুছাৰ ইষ্ট কামেং জিলাত তিনিদিনীয়া বিস্তৃত কাৰ্যসূচীৰে অনুষ্ঠিত হোৱা পাকে পাগা হৰ্ণবিল মহোৎসৱ শনিবাৰে সফলৰূপে সম্পন্ন হয় ।
উক্ত মহোৎসৱভাগত অন্তিম দিনা অনুষ্ঠিত কৰা এথলেটিকছ চাইকেল ৰেচিং প্ৰতিযোগিতাত অংশগ্ৰহণ কৰা টাজুম ধৰেই প্ৰথম স্থান দখল কৰিবলৈ সক্ষম হয় । খেলুৱৈ টাজুমে ইটানগৰৰ পৰা চাইকেল ৰেচিং আৰাম্ভ কৰি চিজুছাৰ পাকে পাগা হৰ্ণবিল মহোৎসৱস্থলীত দ্ৰুত বেগেৰে আহি তিনি ঘন্টাত সম্পন্ন কৰিবলৈ সক্ষম হয় ।
জানিব পৰা মতে খেলুৱৈ টাজুমে ৰাষ্ট্ৰীয় পৰ্যায়ত পাঁচ বাৰকৈ এথলেটিকছ চাইকেল ৰেচিংত প্ৰথম স্থান দখল কৰি এক ৰেকৰ্ড গঢ়ি তুলিবলৈ সক্ষম হৈছে ।