ডিজিটেল ডেস্কঃ পুনৰ ঘৰুৱা ক্ৰিকেটত শক্তিশালী প্ৰদৰ্শন দাঙি ধৰিলে ৰিয়ান পৰাগে। দলৰ বিপদত সময়ত ক্ৰিজলৈ আহি ৰিয়ানে দায়িত্বশীল ইনিংছ উপহাৰ দিয়াই নহয় খেলিলে এক শতকীয় ইনিংছ।
দেওঘৰ ট্ৰফীৰ এখন মেচত ইষ্ট জ'নৰ দলীয় স্ক'ৰ ৫৭তে ৫ টাকৈ উইকেট হেৰুৱাই বিপদত পৰে। ইয়াৰ পাছতে ক্ৰিজলৈ আহে ৰিয়ান পৰাগ।
তেওঁ মুঠ ১০২টা বলত ১৩১ ৰাণ কৰিবলৈ সক্ষম হয়। ৰিয়ানে তেওঁৰ এই শতকীয় ইনিংছটো সজাই ১১ টা ছিক্স আৰু ৫ টা চাৰিৰে।
আনহাাতে ৰিয়ানৰ উপৰিও ইষ্ট জ'নৰ হৈ কুমাৰ কুশাগৰায়ে সংগ্ৰহ কৰে ৯৮ ৰাণ। তেওঁ ৮৭ বলত ৮ টা চাৰি আৰু ৪ টা ছয়ৰে নিজৰ ইনিংছটো সজাই।
৫০ অভাৰৰ মেচখনত ইষ্ট জ'নে নৰ্থ জ'নৰ সন্মুখত ৩৩৮ ৰাণৰ এক বৃহৎ স্কৰ থিয় কৰিছে। ইয়াৰ প্ৰত্যুত্তৰত বাতৰি লিখা পৰলৈকে নৰ্থ জ'নে ১০ অভাৰত এটা উইকেট হেৰুৱাই ৫৬ ৰাণ সংগ্ৰহ কৰিছে।