ডিজিটেল ডেস্কঃ আফগানিস্তানত অব্যাহত আছে ভূমিকম্পৰ ধ্বংসলীলা। পুনৰ আন এক ভূমিকম্পই জোকাৰি গৈছে দেশখনক। বুধবাৰৰ পুৱাই ৬.৩ ৰিখটাৰ ভূমিকম্পই জোকাৰি যায় আফগানিস্তানক। দেশখনৰ উত্তৰ-পশ্চিম অংশত জোকাৰে এই ভূমিকম্পই।
উল্লেখ্য যে, বিগত ৪দিনত দেশখনত এয়া চতুৰ্থটো ভূমিকম্প। বিধ্বংসী ভূমিকম্পত নিহত হৈছে হাজাৰ হাজাৰ লোক। ৯ অক্টোবৰত হোৱা বিধ্বংসী ভূমিকম্পৰ উদ্ধাৰ অভিযান মাৰ নৌযাওঁতেই পুনৰ এই ভূমিকম্পই দেশখনক জোকাৰি যোৱাত তথৈৱচ অৱস্থাৰ সৃষ্টি হৈছে।