মুছলপুৰত প্ৰচণ্ড ধুমুহা, শিলাবৃষ্টিৰ ফলত ৭০ টা পৰিয়ালৰ ফুটিল টিনপাত...

ডিজিটেল সংবাদ, বাক্সাঃ ৰাজ্যত বিগত কিছুদিনৰ পৰা ঠায়ে ঠায়ে প্ৰবল ধুমুহা শিলাবৃষ্টিৰ হৈছে । উজনিৰ পৰা নামনিৰ বিভিন্ন প্ৰান্তত প্ৰকৃতিৰ তাণ্ডৱ লীলাই বিস্তৰ ক্ষতি সাধন কৰিছে ।

শুকুৰবাৰে মাজনিশা অহা ধুমুহা শিলাবৃষ্টিৰ ফলত ৰাজ্যখনৰ অন্যান্য প্ৰান্তৰ লগতে বাক্সা জিলাটো যথেষ্ট পৰিমাণে ক্ষয়-ক্ষতি হোৱা পৰিলক্ষিত হৈছে । জিলাখনৰ মুছলপুৰৰ সমীপৱৰ্তী বিষ্ণুপুৰ দীঘলদঙাৰ প্ৰায় ৭০ টা পৰিয়ালৰ বাসগৃহৰ টিনপাত সম্পূৰ্ণৰূপে ধ্বংস হৈ যায় নিশা হোৱা শিলাবৃষ্টিৰ ফলত ।

যাৰ ফলত উজাগৰী নিশা পাৰ কৰিবলগীয়া হৈছে বাক্সা জিলাৰ এখন গাওঁৰ ৰাইজে । প্ৰায় আধা কিলোগ্ৰাম ওজনৰ শিল পৰি ৭০ টা পৰিয়ালৰ ফুটিল টিনপাত ।

উল্লেখযোগ্য যে পূৰ্বতে অঞ্চলটোত ধুমুহা, শিলাবৃষ্টি হৈছিল যদিও এইবাৰ দৰে এইবাৰৰ দৰে ইমান বেছি ক্ষতিৰ সন্মুখীন হোৱা নাছিল ৰাইজে । প্ৰায় আধা কিলোগ্ৰাম ওজনৰ শিল পৰি ঘৰৰ টিন ফুটাই দিয়াৰ ফলত গোটেই নিশা উজাগৰে কটাবলগীয়া হ'ল গাঁওবাসী ।

কৃষিজীৱি গাওঁখনৰ লোকসকলে সাহাৰ্য বিছাৰি চৰকাৰলৈ আহ্বান কৰিছে যে যাতে শীঘ্ৰেই চৰকাৰে এই পৰিয়াল সমূহলৈ কিছু সকাহ প্ৰদান কৰিছে ।

Also Read: ঐতিহ্যমণ্ডিত ৰংঘৰৰ বাকৰিত মন কি বাতৰ শততম খণ্ড