মৰিগাওঁ কাৰাগাৰৰ পৰা পলায়ন কৰা এটা কয়দীক অন্ধ্ৰপ্ৰদেশত গ্ৰেপ্তাৰ...

ডিজিটেল ডেস্কঃ কিছু দিন পূৰ্বে মৰিগাওঁ জিলা কাৰাগাৰৰ পৰা পলায়ন কৰা এটা কয়দীক পুনৰ কৰায়ত্ত কৰিবলৈ সক্ষম হৈছে আৰক্ষী। আৰক্ষীয়ে পুনৰ গ্ৰেপ্তাৰ কৰা এই পলাতক কয়দীটোৰ নাম জয়নাল ইছলাম।

উল্লেখ্য যে, পকছো আইনৰ অধীনত মৰিগাওঁ জিলা কাৰাগাৰত বন্দী হৈ থকা ৫ কয়দীয়ে কাৰাগাৰৰ পৰা পলায়ন কৰিছিল। তাৰ পাছৰ পৰাই আৰক্ষীয়ে পলাতক কয়দীৰ সন্ধানত অভিযান চলাই আছিল।

তাৰ মাজতেই জয়নাল ইছলামক মৰিগাওঁ আৰক্ষীয়ে অন্ধ্ৰপ্ৰদেশৰ তিৰুপতি জিলাৰ পৰা কৰায়ত্ত কৰে। জয়নাল ইছলামৰ ঘৰ শোণিতপুৰ জিলাত। কাৰাগাৰৰ পৰা পলায়ন কৰাৰ পাছতে তেওঁ দীৰ্ঘদিন ধৰি তিৰুপতি জিলাত আত্মগোপন কৰি আছিল।

এতিয়াও পলাতক অৱস্থাতে আছে আন দুই কয়দী। আনহাতে আব্দুৰ ৰছিদ নামৰ এটা কয়দীৰ কিছু দিনৰ পূৰ্বে মৃত্যু হৈছে। তেওঁৰ মৃতেদহ উদ্ধাৰ মৰিগাঁৱৰ লাহৰীঘাটৰ দেৱাগুৰি বিলত।

Also Read: শিৱসাগৰ ছোৱালী কলেজৰ হীৰক জয়ন্তীত আছুৰ উদ্যোগত তৰ্ক প্ৰতিযোগিতা সম্পন্ন...