ৰহমৰীয়াত ছয়দিনীয়া সজাগতা শিবিৰ লাহোৱাল মহাবিদ্যালয়ৰ ছাত্ৰ-ছাত্ৰীৰ...

ডিজিটেল সংবাদ, লাহোৱালঃ লাহোৱাল মহাবিদ্যালয়ৰ এন এছ এছ গোটৰ উদ্যোগত ৰহমৰীয়া জ্ঞানোদয় মধ্য ইংৰাজী বিদ্যালয়ত ছদিনীয়া সজাগতা শিবিৰ অনুষ্ঠিত কৰা হয় । শৈক্ষিক, স্বাস্থ্য আৰু অনাময় লগতে আৰ্থ সামাজিক সমস্যাৰ সন্দৰ্ভত এই শিবিৰ অনুষ্ঠিত কৰা হয় ।

৬৫ জনীয়া লাহোৱাল মহাবিদ্যালয়ৰ শিক্ষাৰ্থীসকলৰ লগতে ৪ জনকৈ মহাবিদ্যালয়ৰ শিক্ষকে তত্বাৱধায়ক হিচাপে অংশগ্ৰহণ কৰে । তত্বাৱধায়ক কেইগৰাকীয়ে ৰহমৰীয়াত থাকি সমগ্ৰ অঞ্চলটোৰ ৰাইজৰ লগত মত বিনিময় কৰে ।

লগতে উক্ত শিৱিৰৰ লগত সংগতি ৰাখি বিদ্যালয়ৰ শিক্ষাৰ্থীসকলক পাঠদান কৰাৰ লগতে বিভিন্ন প্ৰতিযোগিতা অনুষ্ঠিত কৰা হয় । মহাবিদ্যালয়ৰ NSS গোটৰ সদস্য সকলে নিজ ৰহমৰীয়া আৰু গেনীচুক দুয়োখন গাঁৱৰে ঘৰে ঘৰে গৈ জৰীপ কাৰ্য সমাপন কৰে ।

ছদিনীয়াকৈ অনুষ্ঠিত হোৱা শিৱিৰৰ অনুষ্ঠান বিদ্যালয়ৰ প্ৰাংগনত এখনি সজাগতা সভাৰে শনিবাৰে অন্ত পৰে । উক্ত সভাত লাহোৱাল মহাবিদ্যালয়ৰ অধ্যক্ষ ড০ জ্যোতিপ্ৰসাদ দত্ত উপস্থিত থাকে ।

Also Read: বান্দিপুৰ ব্যাঘ্ৰ সংৰক্ষণ প্ৰকল্পত নতুন ৰূপত প্ৰধানমন্ত্ৰী মোডী...