সংকটজনক অৱস্থাত চিকিৎসালয়ত ভৰ্তি গায়ক অপূৰ্ব বেজবৰুৱা

ডিজিটেল ডেস্ক: জনপ্ৰিয় গায়ক অপূৰ্ব বেজবৰুৱাৰ অৱস্থা সংকটজনক । মঙলবাৰে পুৱা ব্ৰেইন ষ্ট'কত আক্ৰান্ত হোৱাৰ পিছতই তেওঁক ততালিকে দিশপুৰ পলিক্লিনিক হাস্পাতালত ভৰ্তি কৰোৱা হয়।

বৰ্তমান আই চি ইউত চিকিৎসাধীন হৈ আছে এসময়ৰ জনপ্ৰিয় শিল্পীগৰাকী । পৰিয়ালৰ লোকে জানিবলৈ দিয়া মতে সোমবাৰে পুৱা ১০ মান বজাত হঠাতে শিল্পীগৰাকীয়ে অসুস্থতা অনুভৱ কৰি অচেতন হৈ পৰে । ইয়াৰ লগে লগে তেওঁক ততালিকে এম্বুলেন্সেৰে হাস্পাতাললৈ লৈ অনা হয় ।

চিটি স্কেন সম্পন্ন কৰাৰ পিছত তেওঁ ব্ৰেইন ষ্ট্ৰ'কত আক্ৰান্ত হোৱা বুলি চিকিৎসকে জানিবলৈ দিছে। এতিয়াও অচেতন অৱস্থাত আছে শিল্পীগৰাকী । দিশপুৰ পলিক্লিনিকৰ আই চি ইউত চিকিৎসাধীন হৈ আছে শিল্পীগৰাকী ।