চিদলী বিধানসভা সমষ্টিত মাৰাথান নিৰ্বাচনী প্ৰচাৰ মন্ত্ৰী অশোক সিংহালৰ...

ডিজিটেল সংবাদ, চিৰাংঃ ৩১ নং চিদলী বিধান সভা সমষ্টিৰ উপ নিৰ্বাচনৰ দিন চমুচাপি অহাৰ লগে লগেই নিৰ্বাচনী যুঁজত অৱতীৰ্ণ হোৱা প্ৰাৰ্থী সকলৰ হৈ ৰাজ্যৰ নেতা মন্ত্ৰী সকলে ব্যাপক তৎপৰতাৰে নিৰ্বাচনী প্ৰচাৰত ব্যস্ত হৈ পৰিছে । ৩১ নং চিদলী বিধানসভা সমষ্টিৰ উপ-নিৰ্বাচনৰ এনডিএ মিত্ৰজোঁটৰ তত্ত্বাবধায়কৰ দায়িত্বত থকা ৰাজ্যৰ কেবিনেট মন্ত্ৰী অশোক সিংহালে আজিৰ দিনটোত চিদলী বিধানসভা সমষ্টিৰ চুকে কোনে সোমাই মাৰাথান নিৰ্বাচনী প্ৰচাৰ চলায় ।

আজিৰ দিনটোত মন্ত্ৰী অশোক সিংহালে নটাকৈ প্ৰচাৰ সভাত এনডিএ মিত্ৰজোঁটৰ ইউপিপিএল দলৰ প্ৰাৰ্থী নিৰ্মল কুমাৰ ব্ৰহ্মৰ হৈ নিৰ্বাচনী প্ৰচাৰ চলায় । সন্ধিয়াৰ ভাগত বাসুগাঁও চহৰৰ মাজমজিয়াত অৱস্থিত ধানবজাৰ প্ৰেক্ষাগৃহত এনডিএ মিত্ৰজোঁটৰ প্ৰাৰ্থী নিৰ্মল কুমাৰ ব্ৰহ্মৰ হৈ নিৰ্বাচনী প্ৰচাৰ সভাত উপস্থিত থাকি ৰাজ্যৰ কেবিনেট মন্ত্ৰী অশোক সিংহালে চিদলী সমষ্টিৰ অন্তৰ্গত গাঁৱে ভুৱে সভা অনুষ্ঠিত কৰি ৰাইজক ট্ৰেক্টৰৰ ছবিত ভোট প্ৰদান কৰাৰ বাবে আহ্বান জনোৱাৰ কথা উল্লেখ কৰে লগতে তেওঁ কয় যে প্ৰচাৰৰ সময়ছোৱাত ৰাইজৰ পৰা যিধৰনে সঁহাৰি লাভ কৰি আছো ইয়াৰ দ্বাৰাই অনুমান কৰিব পাৰি যে আমাৰ মিত্ৰজোঁটৰ প্ৰাৰ্থী নিৰ্মল কুমাৰ ব্ৰহ্ম বিপুল ভোটত জয়লাভ কৰিব এয়া এশ শতাংশ নিশ্চিত ।

কাইলৈ চিদলী বিধানসভা সমষ্টিত এনডিএ মিত্ৰজোঁটৰ প্ৰাৰ্থী নিৰ্মল কুমাৰ ব্ৰহ্মৰ হৈ নিৰ্বাচনী প্ৰচাৰ সভাত অংশগ্ৰহণ কৰিব অসমৰ মুখ্যমন্ত্ৰী ডঃ হিমন্ত বিশ্ব শৰ্মা । উক্ত নিৰ্বাচনী সভাত প্ৰায় পঁচিশ হেজাৰ জনসমাগম কৰাৰ লক্ষ্যৰে বিজেপি, এজিপিৰ আৰু ইউপিপিএল দলৰ নেতৃত্ব সকলে পৃথকে পৃথকে বৈঠকত মিলিত হয় । উক্ত বৈঠকত বিটিচিৰ মুখ্য কাৰ্য্যবাহী সদস্য প্ৰমোদ বড়োৰ উপৰি কেবিনেট মন্ত্ৰী অশোক সিংহাল, সাংসদ জয়ন্ত বসুমতাৰী, সাংসদ ৰৌণগৌৰা নাৰ্জাৰী, বিজনীৰ বিধায়ক অজয় কুমাৰ ৰায়ৰ উপৰি এনডিএ মিত্ৰজোঁটৰ বহু কাৰ্য্যবাহী সদস্য, পাৰিষদ সকলে অংশগ্ৰহণ কৰে।