জামুগুৰিহাটৰ ঠাকুৰবাৰীত ৰঙ্গমঞ্চৰ শুভ উদ্ধোধন

ডিজিটেল সংবাদ,জামুগুৰিহাট : জামুগুৰিহাটৰ মৰিসূতিৰ ঠাকুৰবাৰীত শনিবাৰে নিশা দুৰ্গা পূজাৰ বিভিন্ন কাৰ্যসূচীৰ লগত সংগতি ৰাখি এখন ৰংগমঞ্চৰ ফিটা কাটি শুভ উদ্বোধন কৰা হয় ৷ পঞ্চদশ বিত্তীয় আয়োগৰ দ্বাৰা আবণ্টিত ৪লাখ টকাৰে নিৰ্মিত ৰঙ্গমঞ্চখনৰ শুভ উদ্ধোধন কৰে উত্তৰ মূঢ়াদল গাওঁ পঞ্চায়তৰ সভাপতি দিপক নেৱাৰে।

উদ্ধোধকগৰাকীয়ে কয়- এতিয়াৰে পৰা এই অঞ্চলটোৰ ৰাইজৰ বহুদিনীয়া এক সপোন পূৰণ হ'ল ৷ এই মঞ্চৰ পৰাই অঞ্চলবাসীয়ে সাংস্কৃতিক যাত্ৰা আৰম্ভ কৰাৰ সুবিধা লাভ কৰিব ৷

অঞ্চলটিৰ উন্নয়নৰ ক্ষেত্ৰত চতিয়া সমষ্টিৰ বিধায়ক পদ্ম হাজৰিকাই গ্ৰহন কৰা বলিষ্ঠ পদক্ষেপৰ আন্তৰিক শলাগ লয় স্থানীয় ৰাইজে। এই মঞ্চৰ শুভ উদ্ধোধনী অনুষ্ঠানত অঞ্চলটোৰ কেইবা শতাধিক ৰাইজে অংশগ্ৰহণ কৰে ৷

Also Read: চিলাপথাৰত ISROৰ আৰ্হিত মণ্ডপ নিৰ্মাণ : দৃষ্টি কাঢ়িছে ভক্তৰ