চেঙাত ইতিহাস থিয়েটাৰত অঘটন : আঘাতপ্ৰাপ্ত যতীন বৰা

ডিজিটেল সংবাদ,চেঙা : ইতিহাস থিয়েটাৰত অঘটন। বুধবাৰে সন্ধিয়া নাটক চলি থকাৰ মাজতে সংঘটিত হয় এই ঘটনা। বৰপেটাৰ চেঙাত চলি আছে ইতিহাস থিয়েটাৰ।

দ্বিতীয় নিশা মহাৰাজ নাটকৰ দৰ্শনী চলি থকাৰ মাজতে সংঘটিত হয় এই অঘটন ।গেলেৰীৰ পৰা দৰ্শকৰ মাজেৰে মঞ্চলৈ বাইক চলাই আহোঁতেই বাইকসহ বাগৰি পৰে অভিনেতা যতীন বৰা।

দুৰ্ঘটনাত সামান্য পৰিমানে আঘাতপ্ৰাপ্ত হয় যতীন বৰা। ইয়াৰোপৰি শিশু,মহিলাসহ ৭ গৰাকী লোক আহত হয়। ছেটিঙছৰ যুৱক এজনো আঘাতপ্ৰাপ্ত হোৱাৰ খবৰ পোৱা গৈছে।

আহতসকলক বৰপেটাৰ ফখৰুদ্দিন আলী আহমেদ চিকিৎসা মহাবিদ্যালয় হাস্পতালয়লৈ প্ৰেৰণ কৰা হয়। কিছু সময়ৰ বাবে স্থগিত হৈ পৰে নাট প্ৰদৰ্শন।

Also Read: গৰৈমাৰীৰ ফখৰুদ্দিন আলী আহমেদ মহাবিদ্যালয়ৰ অধ্যক্ষৰ বিৰুদ্ধে এজাহাৰ দাখিল…