বৰমা ছোৱালী হাইস্কুলত শ্ৰেষ্ঠ বিদ্যালয় পৰিচালনা সমিতি বটাঁ প্ৰদান অনুষ্ঠান

ডিজিটেল সংবাদ, বৰমা : বৰমা ছোৱালী হাইস্কুলত শ্ৰেষ্ঠ বিদ্যালয় পৰিচালনা সমিতি বটাঁ প্ৰদান অনুষ্ঠান। আয়োজক সমিতিয়ে জনোৱা অনুসৰি, দেওবাৰে বৰমা ছোৱালী হাইস্কুলত বঁটা প্ৰদান অনুষ্ঠান অনুষ্ঠিত কৰিব।

বাক্সা জিলাৰ মুছলপুৰ মহকুমাৰ অন্তৰ্গত টিহু-বৰমা প্ৰাথমিক শিক্ষা খণ্ডৰ অধীনৰ প্ৰাথমিক আৰু মাধ্যমিক বিদ্যালয়ৰ বিদ্যালয় পৰিচালনা সমিতিবোৰৰ মাজৰ পৰা কালজাৰ ২ সমল কেন্দ্ৰৰ পৰা আলাগজাৰ প্ৰাথমিক বিদ্যালয়, কালজাৰ ১ সমল কেন্দ্ৰৰ পৰা ভোগপুৰ জাখেকনা প্ৰাথমিক বিদ্যালয়, আনন্দপুৰ সমল কেন্দ্ৰৰ পৰা দেবছৰা প্ৰাথমিক বিদ্যালয়, বৰমা সমল কেন্দ্ৰৰ পৰা মথাথুলি প্ৰাথমিক বিদ্যালয়, বৰিমাখা সমল কেন্দ্ৰৰ পৰা শিলাখুটি প্ৰাথমিক বিদ্যালয়, দোলবাৰী সমল কেন্দ্ৰৰ পৰা ২০৪ নং সাউকুছি প্ৰাথমিক বিদ্যালয়, খাৰুৱাজান সমল কেন্দ্ৰৰ পৰা ৫১৭(১) নং বাটাছাৰা প্ৰাথমিক বিদ্যালয়, মাধুপুৰ ১ সমল কেন্দ্ৰৰ পৰা ৫১৫ নং দিঘেলী প্ৰাথমিক বিদ্যালয়, মাধুপুৰ২ সমল কেন্দ্ৰৰ পৰা বডোফা ইউ এন মাধ্যমিক বিদ্যালয়, মেৰকুছি সমল কেন্দ্ৰৰ পৰা গেলপেজাৰ প্ৰাথমিক বিদ্যালয়, নমাতি ১ সমল কেন্দ্ৰৰ পৰা ৮১৫ নং সৰু কুছিজাৰ প্ৰাথমিক বিদ্যালয়, নমাতি ২ সমল কেন্দ্ৰৰ ২নং বনগাঁও প্ৰাথমিক বিদ্যালয়, থানগুৰী সমল কেন্দ্ৰৰ পৰা থানগুৰী প্ৰাথমিক বিদ্যালয় আৰু কদমতলা সমল কেন্দ্ৰৰ পৰা কদমতলা মাধ্যমিক বিদ্যালয়সমূহৰ পৰা জিলাখনৰ ভিতৰত শ্ৰেষ্ঠ বিদ্যালয় পৰিচালনা সমিতি বটাঁ ঘোষণা কৰিছে।

কাইলৈ অনুষ্ঠিত হ'বলগীয়া উক্ত বটাঁ প্ৰদান কাৰ্যসূচীত বাক্সা জিলা সৰ্ব শিক্ষা মিছনৰ আহ্বায়ক ভবেন দেউৰীৰ লগতে জিলাখনৰ উচ্চ পৰ্যায়ৰ চৰকাৰী বিষয়া, প্ৰধান শিক্ষক, বিদ্যালয় পৰিচালনা সমিতিসমূহৰ সভাপতি-সদস্যসকলৰ লগতে শিক্ষক-শিক্ষয়ত্ৰীসকল উপস্থিত থাকিব বুলি উদ্যোক্তাসকলে জানিবলৈ দিয়ে।

Also Read: তেতেলিসৰাত পথৰ কাষত মৃতদেহ উদ্ধাৰ