প্ৰয়াত সাংবাদিক বিকাশ শৰ্মাৰ স্মৃতিচাৰণ আৰু স্মৰণিকা উন্মোচনী সভা...

ডিজিটেল সংবাদ, গোলাঘাটঃ  প্ৰয়াত সাংবাদিক, শিশু সাহিত্যিক, গোলাঘাট জিলা সাংবাদিক সংস্থাৰ প্ৰাক্তন সভাপতি বিকাশ শৰ্মাৰ স্মৃতিচাৰণ অনুষ্ঠান অহা ২২ ডিচেম্বৰ,২০২৪ তাৰিখে গোলাঘাট জিলা সাংবাদিক সংস্থাৰ মুখ্য কাৰ্যালয়ত আয়োজন কৰা হৈছে। স্মৃতিচাৰণ অনুষ্ঠানৰ লগত সংগতি ৰাখি এখন স্মৰণিকা প্ৰকাশৰো দিহা কৰি শিক্ষাবিদ, বোলছবি পৰিচালক দীনেশ গগৈক মুখ্য উপদেষ্টা হিচাপে লৈ এখন শক্তিশালী সম্পাদনা সমিতি গঠন কৰা হৈছে।

ড: বিপুল ভূঞা,ড:পুতুল শইকীয়া,ড: যতীন নাথ,ড:লুকুমণি গোস্বামী,ড:দীপালী বৰা,ড: বুলবুলি বৰাক অতিথি উপদেষ্টা,হেমন্ত শইকীয়াক সভাপতি,পাৰ্থপ্ৰতীম শইকীয়া আৰু দেৱাশীষ সাহাক সম্পাদকৰ দায়িত্ব অৰ্পণ কৰা হৈছে স্মৰণিকা সম্পাদনা সমিতিৰ।  ৰাধিকা বল্লভ গোস্বামী, সোণাৰাম ভঁৰালী,ৰোহিত গগৈ, দ্বীপেন কুমাৰ বৰা,সমীৰণ দিগন্ত বৰা,গিৰীন বৰা,প্ৰণৱ চক্ৰৱৰ্তীক উপদেষ্টা হিচাপে লৈ গঠন কৰা সমিতি খনত জিলাখনৰ আটাইকেইটা মহকুমাৰ সাংবাদিক সংগঠন সমূহৰ সদস্য অন্তভুৰ্ক্ত কৰা হৈছে।

গোলাঘাট জিলা সাংবাদিক সংস্থাৰ সভাপতি ৰোহিত গগৈৰ সভাপতিত্বত অনুস্থিত হ'বলগীয়া স্মৃতিচাৰণ অনুষ্ঠানত মুখ্য অতিথিৰ আসন অলংকৃত কৰিব মন্ত্ৰী অজন্তা নেওগ, মন্ত্ৰী অতুল বৰা আৰু বিধায়ক মৃণাল শইকীয়াই।

সাদিন -প্ৰতিদিন গোষ্ঠীৰ স্বত্বাধিকাৰ জয়ন্ত বৰুৱাই উন্মোচন কৰিবলগীয়া স্মৰণিকা উন্মোচনী অনুষ্ঠানত অসমীয়া প্ৰতিদিন কাকতৰ সহকাৰী সম্পাদক প্ৰকাশ মহন্তই মুখ্য বক্তাৰ আসন শুৱনি কৰিব।ডা: অজিত বৰুৱা, দীনেশ গগৈয়ে নিৰ্দিষ্ট বক্তা হিচাপে অংশগ্ৰহণ কৰিবলগীয়া গাম্ভীৰ্যপূৰ্ণ সভাখনিত গোলাঘাটৰ আয়ুক্ত পুলক মহন্ত, আৰক্ষী অধীক্ষক ৰাজেন সিং,পেঞ্চনাৰ সাংবাদিক দ্বীপেন দত্ত,পৌৰপতি দুলুমণি বৰবৰা,নুমলীগড় শোধনাগাৰৰ মুখ্য মহাপ্ৰৱন্ধক কাজল শইকীয়া, জ্যেষ্ঠ মহা প্ৰৱন্ধক মিণ্টু সন্দিকৈয়ে অতিথি হিচাপে ভাগ ল'ব ।

প্ৰয়াত সাংবাদিক বিকাশ শৰ্মাৰ পৰিয়াল বৰ্গই প্ৰতিচ্ছবিত মাল্যাৰ্পণ কৰাৰ প্ৰাক্ মূহুৰ্তত পেঞ্চনাৰ সাংবাদিক অপূৰ্ব বল্লভ গোস্বামী, সমীৰণ দিগন্ত বৰা, সমাজকৰ্মী পূৰ্ণ ৰাজখোৱা,ক্ৰীড়া সংগঠক পৰীক্ষিত দত্ত, জ্যেষ্ঠ সাংবাদিক ৰাজীৱ বৰা আৰু অজয় কানৈয়ে বন্তি প্ৰজ্বলন কাৰ্যসূচী সমাপন কৰিব।ইয়াৰ অন্তত বিয়লি ভাগলৈ গোলাঘাট জিলা সাংবাদিক সংস্থাৰ মধ্যকালীন অধিবেশন অনুষ্ঠিত হ'ব বুলি সংস্থাৰ সাধাৰণ সম্পাদক গিৰীন বৰা আৰু সম্পাদক প্ৰণৱ চক্ৰৱৰ্তীয়ে জানিবলৈ দিয়ে।