দুৰ্যোগ প্ৰশমণ দিৱস উপলক্ষে বিলাসীপাৰাত এন.এছ.এছৰ বাটৰ নাট...

ডিজিটেল সংবাদ, ধুবুৰী : বৃহস্পতিবাৰে আন্তঃৰাষ্ট্ৰীয় দুৰ্যোগ প্ৰশমণ দিৱস উপলক্ষে ধুবুৰীৰ বিলাসীপাৰা ৰাজহ চক্ৰৰ উদ্যোগত দুৰ্যোগ প্ৰশমণ প্ৰাধিকৰণৰ আহ্বান মৰ্মে বিলাসীপাৰা মহাবিদ্যালয়ৰ এন.এছ.এছৰ তৰফৰ পৰা এখন বাটৰ নাটকৰ আয়োজন কৰা হয়।

বিলাসীপাৰা মহাবিদ্যালয়ত এই নাটকৰ শুভাৰম্ভ কৰে বিলাসীপাৰা মহকুমাৰ মহকুমাধিপতি জয় শিৱানীয়ে। বজ্ৰপাতৰ পৰা সাৱধান শীৰ্ষক এই নাটকখন ৰচনা কৰিছে পৰিৱেশবিদ ড° হৰিচৰণ দাসে।

অনুষ্ঠানত বিলাসীপাৰা ৰাজহ চক্ৰৰ চক্ৰ বিষয়া ৰূপকমল ৰাভা প্ৰমুখ্যে কেইবাগৰাকীও বিশিষ্ট ব্যক্তি সকলে অংশগ্ৰহণ কৰে। উল্লেখযোগ্য যে বজ্ৰপাতৰ ফলত অলপতে বিলাসী পাৰা অঞ্চলত কেইবাগৰাকীও লোকৰ মৃত্যু হৈছে।