চিৰাঙত শূন্য দুৰত্বৰ পৰা মহিলাক গুলীয়াই হত্যাৰ চেষ্টাঃ এজনক গ্ৰেপ্তাৰ...

ডিজিটেল সংবাদ চিৰাংঃ চিৰাংৰ ভাৰত ভূটান সীমান্তত খুংগ্ৰীঙত নিশা গুলী চালনাৰ ঘটনা। দেওবাৰ সন্ধিয়া চিৰাং জিলাৰ ভাৰত-ভূটান সীমান্তৰ ৰুণীখাতা থানাৰ অন্তৰ্গত খুংগ্ৰীঙৰ ২ নং দৈ গুদুম গাঁৱৰ আছাতী বসুমতাৰী নামৰ এগৰাকী মহিলাক শূন্য দুৰত্বৰ পৰা দুৰ্বৃত্তই গুলীয়াই হত্যাৰ চেষ্টা কৰে।

অৱশ্যে সৌভাগ্যক্ৰমে আছাতী বসুমতাৰী নামৰ মহিলাগৰাকী ৰক্ষা পৰে যদিও গৰুতৰ ভাৱে আহত হয়। আহত মহিলাগৰাকীক কাজলগাওঁ জে এছ বি অসামৰিক চিকিৎসালয়লৈ প্ৰেৰণ কৰা হয়। বৰ্তমান মহিলাগৰাকী চিকিৎসাধীন অৱস্থাত আছে।

ইফালে এই গুলী চালনাৰ ঘটনা সংঘটিত কৰা দুৰ্বৃত্তটোক অজয় মুছাহাৰী বুলি চিনাক্ত কৰা হৈছে। সেই অনুসৰিয়েই ৰুণীখাতা আৰক্ষী থানাৰ আৰক্ষীয়ে অজয় মুছাহাৰীক গ্ৰেপ্তাৰ কৰিছে। এই পৰ্যন্ত অজয় মুছাহাৰীয়ে মহিলাগৰাকীক কিয় গুলীয়ালে সেই বিষয়ে জানিব পৰা হোৱা নাই। আৰক্ষীয়ে সমগ্ৰ ঘটনা সন্দৰ্ভত তদন্ত অব্যাহত ৰাখিছে।

Also Read: ঢকুৱাখনাত হিতাধিকাৰীৰ মাজত ছাগলী বিতৰণ...