বিজনীত কেকোঁ সাপসহ দুই সৰবৰাহকাৰী গ্ৰেপ্তাৰ...

ডিজিটেল সংবাদ চিৰাং জুলাই: চিৰাং জিলাৰ বিজনীৰ অক্সিগুৰীত আজি বিয়লি এছ এছ বি আৰু বন বিভাগৰ যৌথ অভিযানত দুডাল দুষ্প্ৰাপ্য কেঁকো সাপসহ দুই সৰবৰাহকাৰী গ্ৰেপ্তাৰ হয়। ধৃত সৰবৰাহকাৰী দুটা নুৰ ইছলাম(২৮) আৰু ফুলচান হুছেইন (৩৩)।

দুয়োৰে ঘৰ বৰপেটা জিলাৰ বেটবাৰীত। সৰবৰাহকাৰী দুটাৰ পৰা এখন এ এছ ১৫ জে ৩৫৯৩ নম্বৰৰ এল্টো বাহন জব্দ কৰে অভিযানকাৰী দলটোৱে।

এক গোপন খবৰৰ ভিত্তিত এছ এছ বিৰ ১৫ নম্বৰ বেটেলিয়নৰ ফাইটাৰ কোম্পেনীৰ পৰিদৰ্শক উমেশ কুমাৰৰ নেতৃত্বত অভিযান চলাই এল্টো বাহনখনেৰে বৰপেটাৰ পৰা বিজনীৰ কুকলুঙলৈ গৈ থকা অৱস্থাত গ্ৰেপ্তাৰ কৰে সৰবৰাহকাৰী দুটাক।

পিছত জব্দকৃত কোকোঁ সাপসহ দুই সৰবৰাহকাৰীক অভিযানকাৰী দলটোৱে কুকলুং বনাঞ্চলিক কাৰ্যালয়ত লৈ যায়।

Also Read: সত্ৰ আয়োগে পৰিদৰ্শন কৰিলে গোলাঘাটৰ তিনিখন সত্ৰঃ ২২ সত্ৰৰ সত্ৰাধিকাৰ-বিষয়ববীয়াৰ সৈতেও বৈঠক..