৬দিন ধৰি সন্ধানহীন বৰবৰুৱাৰ এগৰাকী যুৱতী, পৰিয়ালত হাঁহাকাৰ...

ডিজিটেল সংবাদ, বৰবৰুৱাঃ বৰবৰুৱাত এগৰাকী যুৱতী নিৰুদ্দেশক লৈ তীব্ৰ চাঞ্চল্য । বিগত ৬ টা দিনে সন্ধানহীন হৈ থকা যুৱতী গৰাকীকলৈ চিন্তিত পৰিয়ালৰলোক । মধুস্মীতা বৰুৱা(২৪) নামৰ যোৰহাট টিয়কৰ যুৱতী গৰাকী ৩ নৱেম্বৰত বৰবৰুৱাৰ পৰা নিৰুদ্দেশ হয় ।

ঘটনাৰ সন্দৰ্ভত পংকজ গগৈ নামৰ টিয়কৰ এজন যুৱকক বৰবৰুৱা আৰক্ষীয়ে গ্ৰেপ্তাৰ কৰি জেল হাজোতলৈ প্ৰেৰণ কৰাৰ পিছত পুনৰ তিনিদিনৰ বাবে আৰক্ষী জিম্বাত আনি তদন্ত অব্যাহত ৰাখিছে ।

উল্লেখ্য যে, মধুস্মীতা বৰুৱাই লেপেটকটা ঘূৰণীয়াত বাইকৰ সৈতে থাকি এটা কোম্পানীত কৰ্মৰত আছিল । টিয়কৰে যুৱক পংকজে মধুস্মীতাক মৰাণ অইলত চাকৰি কৰো বুলি মিছা প্ৰলোভন দি প্ৰেমৰ সম্পৰ্ক গঢ়িছিল ।

উক্ত দিনা মৰাণ ছ্যুকাফা নগৰত দুয়ো এৰাতি থকাৰ পিছত পংকজে মধুস্মীতাক ট্ৰেভেলাৰ গাড়ীত উঠাই পথিওয়া পিছৰ পৰা যুৱতী গৰাকী নিৰুদ্দেশ হৈ আছে । কোনো সদাশয় লোকে যুৱতীগৰাকীৰ সন্ধান লাভ কৰিলে 9365105698 নতুবা 6000659448 নম্বৰত অৱগত কৰিবলৈ পৰিয়ালৰ লোকে আহ্বান জনাইছে ।