প্ৰসিদ্ধ চিন্তাবিদ, শিক্ষাবিদ তথা বিশিষ্ট লিখক ড০ প্ৰফুল্ল মহন্তৰ বিয়োগত শোক প্ৰকাশ বড়ো সাহিত্য সভাৰ…

ডিজিটেল ডেস্ক : বিশিষ্ট লিখক, শিক্ষাবিদ তথা চিন্তাবিদ ড০ প্ৰফুল্ল মহন্তৰ ২০২২ চনৰ ২ ছেপ্তেম্বৰত গুৱাহাটী চিকিৎসা মহাবিদ্যালয়ত পৰলোকপ্ৰাপ্তি ঘটে । সুদীৰ্ঘ কাল আনন্দ ৰাম বৰুৱা ভাষা, কলা-সংস্কৃতি কেন্দ্ৰৰ সঞ্চালক ৰূপে কাৰ্য্য নিৰ্বাহ কৰাৰ অন্তত পেঞ্চনৰ কোনো সুবিধা লাভ নকৰাকৈয়ে অৱসৰ লৈছিল লিখকগৰাকীয়ে । দীৰ্ঘ দিন ধৰি দুৰাৰোগ্য ৰোগত আক্ৰান্ত হৈ শেষৰ কালছোৱাত চৰকাৰৰ পৰা সম্পূৰ্ণৰূপে অৱহেলিত হৈ ৰৈছিল ড০ প্ৰফুল্ল মহন্ত ।
ড০ মহন্তই তেখেতৰ বৰ্ণিল জীৱনকালত খিলঞ্জীয়া ভূমিপুত্ৰ তথা বড়ো জনজাতিৰ আৰ্থ সামাজিক, শিক্ষা ও ৰাজনৈতিক বাদানুবাদৰ সম্পৰ্কে বিষদভাৱে পৰ্য্যালোচনা কৰি কেইবাখনো গ্ৰন্থ ৰচনা কৰিছিল ।
এনে এগৰাকী প্ৰসিদ্ধ লিখক, চিন্তাবিদ তথা শিক্ষাবিদৰ পৰলোক প্ৰাপ্তিত গভীৰ শোক প্ৰকাশ কৰে বড়ো সাহিত্য সভাই । ইয়াৰ সৈতেই ড০ প্ৰফুল্ল মহন্তৰ বিদেহী আত্মাৰ সদগতি কামনা কৰি তেখেতৰ পৰিয়াল বৰ্গলৈ সমবেদনা জ্ঞাপন কৰে ।

আৰু পঢ়ক : চিৰাঙৰ কাজলগাঁৱত "সখী এক্সপ্ৰেছ" আচঁনিৰ ৫৬ খন স্কুটি বিতৰণ…