হাওৰাঘাটৰ ৰংকুটৰ পৰা যুৱক নিৰুদ্দেশ, চিন্তিত পৰিয়াল

ডিজিটেল সংবাদ, হাওৰাঘাট : কাৰ্বি আংলং জিলাৰ হাওৰাঘাট থানাৰ অধীনত থকা উত্তৰ বৰবিল উপ আৰক্ষী থানৰ অন্তৰ্গত ৪ নং ৰংকুট গাঁৱৰ এজন যুৱক নিৰুদ্দেশ হৈ আছে। বলৰাম নম:শূদ্ৰৰ পুত্ৰ ৰূপাল নম:শূদ্ৰ (২০) নামৰ যুৱকজন গেঞ্জী আৰু হাফপেন্ট পিন্ধা অৱস্থাত দেওবাৰে দিনৰ ১১ বজাত নিজ ঘৰৰ পৰাই এখন নতুন চাইকেল লৈ কৰবালৈ ওলাই গুচি যায় ।

যোৱাৰ সময়ত পৰিয়ালৰ সদস্যক দোকানলৈ যাও বুলি ওলাই যায় যদিও সন্ধিয়ালৈকে ঘৰলৈ ঘূৰি নহাত ঘৰখনত হাহাকাৰ অৱস্থাৰ সৃষ্টি হয় । যুৱকজনৰ বৰদেউতা ৰাজেন্দ্ৰ নম:শূদ্ৰই জানিবলৈ দিয়া অনুসৰি নিৰুদ্দিষ্ট হোৱা যুৱকজন বিগত তিনি মাহ মানৰ আগৰ পৰা মানসিক বেমাৰত ভুগি আছিল ।

এই সন্দৰ্ভত যুৱকজনক নগাওঁ আৰু গুৱাহাটীলৈ নি চিকিৎসাধীন কৰোৱা হয় যদিও মানসিক ৰোগত ভুগি থকা বুলি জানিব দিয়ে । কোনো সদাশয় ব্যক্তিয়ে নিৰুদ্দিষ্ট যুৱকজনৰ বিষয়ে কোনো খবৰ পালে যিকোনো থানা নাইবা ৮৭৬১০৩৫৪২০ নাইবা ৮৮১২৪১৮৫২ নম্বৰত যোগাযোগ কৰিবৰ বাবে পৰিয়ালৰ লোকে অনুৰোধ জনাইছে ।

Also Read: জঘন্য! শুই থকা অৱস্থাত স্বামীয়ে হানি-খুচি হত্যা কৰিলে গৰ্ভৱতী পত্নীক