আজি চৰাইদেউত উপস্থিত হ'ব ইউনেস্কৰ প্ৰতিনিধি

ডিজিটেল সংবাদ, চৰাইদেউঃ বিশ্ব দৰবাৰত চৰাইদেউ মৈদাম ক্ষেত্ৰক জিলিকাই তোলাৰ অসমীয়াৰ সপোন দিঠকৰ দিশে। শনিবাৰে চৰাইদেউত উপস্থিত হ'ব ইউনেস্কৰ প্ৰতিনিধিৰ দল। দলটোত আছে বিশেষজ্ঞ লিম চিং চিয়াঙ ৷

বিয়লি প্ৰায় ৩.৩০ বজাত ঐতিহাসিক চৰাইদেউ মৈদাম ক্ষেত্ৰত উপস্থিত হ'ব দলটো। এই খবৰে চৰাইদেউবাসীৰ মাজত এক আনন্দময় পৰিৱেশৰ সৃষ্টি কৰিছে ৷ ইউনেস্কৰ বিশেষজ্ঞগৰাকী আগমনলৈ আৰক্ষীয়ে নিৰাপত্তা দিশটো কটকটীয়া কৰিছে।

৯ অক্টোবৰৰ বিয়লি পৰ্যন্ত বিশেষজ্ঞগৰাকীয়ে মৈদাম এলেকাৰ বিভিন্ন তথ্য, সমল সংগ্ৰহ কৰিব ৷ আৰু এই তথ্যৰ ভিত্তিতেই প্ৰতিবেদন দাখিল কৰিব দলটোৱে। প্ৰতিবেদনৰ প্ৰতি লক্ষ ৰাখি আহা বছৰ মাজ ভাগত চৰাইদেউ মৈদাম ক্ষেত্ৰক বিশ্ব ঐতিহায ক্ষেত্ৰ হিচাপে ঘোষণা কৰিব কৰ্তৃপক্ষই।

Also Read: কাছাৰত প্ৰায় ৮ কোটি টকাৰ য়াবা টেবলেটসহ আটক ৫জন