চৰাইদেউ প্ৰেছ ক্লাবৰ কাৰ্যনিৰ্বাহক সভা সম্পন্ন...

ডিজিটেল সংবাদ, চৰাইদেউ : চৰাইদেউ অঞ্চলৰ সংবাদকৰ্মী সকলৰ অন্যতম উমৈহতীয়া মঞ্চ চৰাইদেউ প্ৰেছ ক্লাবৰ নতুন সমিতিখনৰ শনিবাৰে কাৰ্যনিৰ্বাহ সভা মথুৰাপুৰ ক্ৰীড়া সন্থাৰ কাৰ্যালয়তঅনুষ্ঠিত হয় ৷ ক্লাবৰ সভাপতি ধ্ৰুৱজ্যোতি বৰুৱাৰ সভাপতিত্ব অনুষ্ঠিত হোৱা সভাখনিত প্ৰেছ ক্লাবে ভৱিষ্যতৰ দিনত গ্ৰহণ কৰিব লগীয়া কাৰ্যপন্থা সন্দৰ্ভত বিতংকৈ আলোচনা কৰা হয় ৷

সম্পাদক প্ৰণৱ বৰগোহাঁইয়ে উদ্দেশ্য ব্যাখ্যা আগবঢ়োৱা সভাখনিত ক্লাবৰ উপদেষ্টা আলিম আহমেদ, লু-চ্যুন শ্যাম গোঁহাই আৰু সাংবাদিক বিপিন হাজৰিকাই সাংবাদিকসকলে সন্মুখীন হৈ অহা বিভিন্ন সমস্যা আৰু মৌলিক নীতি-নিয়ম সন্দৰ্ভত ব্যাখ্যা আগবঢ়ায়।

সভাৰ সৰ্বসন্মতভাবে ক্ৰমে গ্ৰহণ কৰা গুৰুত্বপূৰ্ণ প্ৰস্তাৱ অনুসৰি আগন্তুক সময়ত বাগিচা এলেকাত চকু পৰীক্ষা শিবিৰ, "গাঁৱলৈ যাওঁ বলক" শীৰ্ষক কাৰ্যসূচী, ছাত্ৰ-ছাত্ৰীসকলক বাতৰি কাকত পঢ়াৰ প্ৰতি স্পৃহা বঢ়াবলৈ বিশেষ কাৰ্যসূচী গ্ৰহণ কৰিবলৈ সিদ্ধান্ত গ্ৰহণ কৰে । সভাত সাংবাদিক সুশান্ত কোঁৱৰ, বিতু কোঁৱৰ, ইছলাম আহমেদ আৰু বাসুদেৱ কুমাৰ, ৰঘু ৰাজকোঁৱৰ উপস্থিত থাকে ৷

Also Read: এলানি দাবীৰে খিলঞ্জীয়া জনজাতীয় সাহিত্য সভাৰ সংবাদমেল আয়োজন...