ডিজিটেল সংবাদ, কোকৰাঝাৰঃ কোকৰাঝাৰ জিলা আৰু বিশেষ সত্ৰ ন্যায়াধীশৰ ৰায়দান। পকচো আইনৰ ধাৰা ৬ অনুসৰি শুকুৰবাৰে অপৰাধীক কাৰাদণ্ড বিহে আদালতে ।
কচুগাঁও বছগাঁৱৰ দৈমালু মুছাহাৰীক ২০ বছৰৰ সশ্ৰম কাৰাদণ্ডৰ লগতে ২০ হাজাৰ টকাৰ জৰিমণা বিহিছে আদালতে। জৰিমণা আদায় নিদিলে ৬ মাহ অতিৰিক্ত কাৰাদণ্ড আদালতৰ।
অভিযোগ অনুসৰি দৈমালু মুছাহাৰীয়ে ২০২০ চনৰ ১ জানুৱাৰীৰ নিশা এগৰাকী নাবালিকাক অপহৰণ কৰি নদীৰ পাৰত নি ধৰ্ষণ কৰিছিল । ১ জানুৱাৰীৰ নিশাটো দৈমালু মুছাহাৰীয়ে নাবালিকাগৰাকীক নিজৰ ঘৰত ৰাখি পিছদিনা আধা ৰাস্তাত এৰি দিয়ে ।
তাৰ পাছতে পৰিয়ালৰ লোকে ২ জানুৱাৰীত কচুগাঁও থানাত এজাহাৰ (নং ০২/২০২০ ) দিছিল। বিশেষ গোচৰ নং ৯/২০ মৰ্মে আজি কোকৰাঝাৰ জিলা আৰু বিশেষ সত্ৰ ন্যায়াধীশৰ আদালতে ৰায়দান কৰে ।
